January 28, 2023 Saturday

കാക്കാത്തോട് ബസ് സ്റ്റാൻഡ് നവീകരണത്തിന്റെ അനുബന്ധ പ്രവൃത്തി തുടങ്ങി

Janayugom Webdesk
തളിപ്പറമ്പ്
October 27, 2020 6:39 pm

തളിപ്പറമ്പ് കാക്കാത്തോട് ബസ് സ്റ്റാൻഡ് നവീകരണത്തിന്റെ അനുബന്ധ പ്രവൃത്തി തുടങ്ങി⊕. ലോക്ക് ഡൗണിന്റെ നീണ്ട ഇടവേളക്ക് ശേഷമാണ് പ്രവൃത്തി ആരംഭിച്ചത്.
തളിപ്പറമ്പ് ദേശീയപാതയിൽ നിന്നും കാക്കാത്തോടിലേക്കുള്ള റോഡ് നഗരസഭ നേരത്തെ തന്നെ ടാറിംഗ് പൂർത്തിയാക്കിയിരുന്നു. കൂടാതെ വെള്ളക്കെട്ട് ദുരിതം രൂക്ഷമായിരുന്ന കാക്കാത്തോട് ബസ് സ്റ്റാൻഡ് മണ്ണിട്ടുയർത്തി ഇന്റർ ലോക്കും ചെയ്തു. അനുബന്ധ പ്രവൃത്തികളായ ഓവുചാൽ നവീകരണം പദ്ധതി പ്രകാരം മുമ്പേ പൂർത്തിയാക്കേണ്ടതായിരുന്നു. എന്നാൽ, കോവിഡിന്റെ വരവ് ഈ വികസന പ്രവർത്തനത്തെയും സാരമായി ബാധിച്ചു. ലോക്ക് ഡൗണിൽ പ്രവൃത്തിയും നിലച്ചു. അതാണിപ്പോൾ മാസങ്ങൾക്ക് ശേഷം പുനരാരംഭിച്ചത്. കാക്കാത്തോട് ബസ് സ്റ്റാൻഡിലേക്കുള്ള ഓവുചാലിന്റെ സ്ലാബ് ഇന്റർലോക്ക് ചെയ്യുന്ന പ്രവൃത്തിയാണ് ഇപ്പോൾ നടക്കുന്നത്. നല്ലൊരു നടപ്പാതയാക്കുകയാണ് ലക്ഷ്യം. ആകെ 4 ലക്ഷം രൂപ ചെലവിലാണ് പ്രവൃത്തി നടക്കുന്നതെന്ന് തളിപ്പറമ്പ് നഗരസഭാ പൊതുമരാമത്ത് സ്റ്റാൻഡിംഗ് കമ്മിറ്റി ചെയർപേഴ്സൺ കെ അഫ്സത്ത് പറഞ്ഞു.കാക്കാത്തോട് ബസ് സ്റ്റാൻഡിനോട് ചേർന്നുള്ള മറ്റ് ഭാഗങ്ങളും ഇന്റർലോക്ക് ചെയ്യാൻ നഗരസഭ ആലോചിച്ചിരുന്നു. എന്നാൽ, കോവിഡ് കാരണം ഉണ്ടായ ഫണ്ടിന്റെ ലഭ്യതക്കുറവ് അതിനുള്ള സാധ്യത മങ്ങിപ്പിച്ചിരിക്കുകയാണ്.

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.