Kalolsavam 2017 -2018 Live Results

Day 1

കലോത്സവം; റൗണ്ടപ്പ്‌

തൃശൂര്‍:കൗമാരകലയുടെ പൂരപ്പറമ്പില്‍ പാലക്കാടിന്റെ മുന്നേറ്റം.28 ഇനങ്ങള്‍ പൂര്‍ത്തിയായപ്പോള്‍ 98 പോയിന്റ് നേടി പാലക്കാട് കുതിപ്പ് തുടരുകയാണ്.96 പോയിന്റുമായി കോഴിക്കോടാണ് ഒപ്പത്തിനൊപ്പമുള്ളത്.92പോയിന്റുകളോടെ തൃശൂര്‍,മലപ്പുറം ,കണ്ണൂര്‍ ജില്ലകള്‍ മൂന്നാമതുണ്ട്.203 ഇനങ്ങളില്‍ ഇന്നലെ രാത്രിയോടെ ഫലം വന്നത് 28 എണ്ണത്തിന്റേതാണ്.ഹൈസ്‌ക്കൂള്‍ വിഭാഗത്തില്‍ 55 ഉം ഹയര്‍സെക്കന്‍ഡറി വിഭാഗത്തില്‍ 43 ഉം പോയിന്റുകളും നേടിയാണ് പാലക്കാട് മുന്നേറുന്നത്.ഹൈസ്‌ക്കൂള്‍ വിഭാഗത്തില്‍ 51 ഉം ഹയര്‍സെക്കന്‍ഡറി വിഭാഗത്തില്‍ 45 ഉം പോയിന്റുകളോടെയാണ് കഴിഞ്ഞവര്‍ഷത്തെ ജേതാക്കളായ കോഴിക്കോട് തൊട്ടുപിന്നിലുളളത്.705 അപ്പീലുകളാണ് ഇന്നലെ അപ്പീല്‍ കമ്മിറ്റി മുമ്പാകെ ലഭിച്ചിട്ടുള്ളത്. രാവിലെ തേക്കിന്‍കാട് മൈതാനത്തെ പ്രധാനവേദിയായ നീര്‍മാതളത്തില്‍ ഉത്സവഛായയില്‍ നടന്ന ഉദ്ഘാടനവും നാടന്‍കലാരൂപങ്ങളുടെ അകമ്പടിയോട നടന്ന ദൃശ്യവിസ്മയവും സാംസ്‌ക്കാരികതലസ്ഥാനനഗരിയില്‍ പുതുചരിത്രം എഴുതുകയാണ്.സായാഹ്നങ്ങളില്‍ തെക്കേഗോപുരനടയിലെ നിശാഗന്ധിയില്‍ എല്ലാദിവസവും നടക്കുന്ന സാംസ്‌ക്കാരികപരിപാടികളും തൃശൂരിലെ കലോത്സവത്തെ വേറിട്ടതാക്കുന്നു.മാന്വല്‍ പരിഷ്‌ക്കരണത്തിന് ശേഷം ആദ്യം നടക്കുന്ന സ്‌ക്കൂള്‍ കലോത്സവം മാറ്റത്തിന്റെ ചിലമ്പൊലിയാവുകയാണ്.മോഹിനിയാട്ടം ,നാടന്‍പാട്ട്,കഥകളി,നങ്ങ്യാര്‍കൂത്ത്,ചാക്യാര്‍കൂത്ത്,ഒപ്പന,കഥാപ്രസംഗം,അറബിക് സാഹിത്യോത്സവം,സംസ്‌കൃതോത്സവം,ഉള്‍പ്പടെ 21 വേദികളിലായിട്ടാണ് ഇന്നലെ മത്സരങ്ങള്‍ നടന്നത്.കലോത്സവത്തിന്റെ രണ്ടാംദിനമായ ഇന്ന് 24 വേദികളിലും ഭരതനാട്യം,നാടകം,കുച്ചിപ്പുടി,കൂടിയാട്ടം,പഞ്ചവാദ്യം ഉള്‍പ്പടെയുള്ള പ്രധാന മത്സരങ്ങളും സാംസ്‌ക്കാരികപരിപാടികളും നടക്കും.   തൃശൂർ: കലാ കുടുബത്തിൽ പിറന്ന എസ് ഗോപികൃഷ്ണ ആദ്യമായി സംസ്ഥാന കലോൽസവത്തിൽ പങ്കെടുത്ത കഥകളി സംഗീതത്തിൽ എ ഗ്രഡ് നേടി. കണ്ണൂർ സെന്റ് മൈക്കിൾസ് ആഗ്ലോ ഇന്ത്യൻ ഹയർ സെക്കന്ററി സ്ക്കൂളിലെ 9-ാം ക്ലാസ് വിദ്യാർത്ഥിയാണ് ഗോപികൃഷ്ണ. 3 വർഷമായി കഥകളിസംഗീതം പഠിക്കുന്ന ഗോപീകൃഷ്ണ കൊയലാണ്ടി ഹരികുമാറിന്റെ ശിഷ്യനാണ്. ശാസ്ത്രീയ സംഗീതവും മൃദംഗവും അഭ്യസിച്ചിട്ടുണ്ട്. ജേഷ്ഠൻ ഹരികൃഷ്ണ ട്രെo സിൽ എ ഗ്രയ്ഡ് നേടിയിരുന്നു.പാട്ട്, വീണ എന്നീ രംഗത്ത് പ്രഗത്ഭയായ അമ്മ സുമ സെന്റ് തെരെസാസിൽ അധ്യാപികയാണ്.അച്ചൻ സുരേഷ് വർമ്മ ദേവസം ബോർഡ് ജീവനക്കാരനാണ്.