സ്വാതന്ത്ര്യ സമര സേനാനിയും എടത്തറ പാന്തംപാടം പി വി കണ്ണപ്പന് ( 93) അന്തരിച്ചു. 1942 ല് ബ്രിട്ടീഷുകാര്ക്കെതിരെ ക്വിറ്റ് ഇന്ത്യ സമരത്തില് പങ്കെടുത്തിരുന്നു. ഇന്ത്യയ്ക്ക് സ്വാതന്ത്ര്യം ലഭിച്ച ശേഷം മനുഷ്യാവകാശ പ്രവര്ത്തനങ്ങളില് സജീവമായി. സംസ്കാരം ഇന്ന് വീട്ടുവളപ്പില്. ഭാര്യ: രുഗ്മിണി, മക്കള്: വിജയകുമാരി, സുമിത്ര, പത്മിനി, അശോകന്, മരുമക്കള്: ബിന്ദുമോള് (സ്റ്റാംപ് വെന്ഡര്, പറളി), ചെന്താമരാക്ഷന്.
വിടപറഞ്ഞത് കരുത്തനായ നേതാവ്. സ്വാതന്ത്ര്യത്തിന്റെ 75ആം വാര്ഷികം ആസാദി കാ അമൃത് മഹോത്സ് ആഘോഷത്തിന്റെ ഭാഗമായി ദേശീയ ദുരന്ത നിവാരണ സേന, കഴിഞ്ഞ ദിവസം പി വി കണ്ണപ്പനെ ആദരിച്ചിരുന്നു. ക്വിറ്റ് ഇന്ത്യ സമരത്തില് പങ്കെടുത്തതിന് അദ്ദേഹം അറസ്റ്റ് വരിച്ചിട്ടുണ്ട്. പാലക്കാട്ടെ പൊതപ പ്രവര്ത്തന രംഗത്ത് സജീവമായിരുന്നു. ദീര്ഘകാലം പറളി പഞ്ചായത്ത് അംഗമായിരുന്നു. പറളി സഹകരണ ബാങ്ക് വൈസ് പ്രസിഡന്റ് ബികെഎംയു ജില്ലാ പ്രസിഡന്റ്, സിപിഐ ജില്ലാ കമ്മിറ്റിയംഗം, എഐടിയുസി ജില്ലാ കമ്മിറ്റി അംഗം എന്നീ നിലകളില് പ്രവര്ത്തിച്ചിട്ടുണ്ട്. പറളിയില് ഇടതുപക്ഷ പ്രസ്താനം കെട്ടിപ്പടുക്കുന്നതില് നിര്ണായക പങ്കുവഹിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.