പാണാവള്ളിയില്‍ വേമ്പനാട്ട് കായല്‍ കൈയ്യേറി നിര്‍മിച്ച കാപ്പികോ റിസോര്‍ട്ട് പൊളിച്ച് നീക്കണമെന്ന സുപ്രീംകോടതി വിധി നടപ്പാക്കുന്നതിന്റെ നടപടി ക്രമങ്ങളെ കുറിച്ച് സര്‍ക്കാര്‍ പരിശോധിച്ച് വരുകയാണെന്ന് റവന്യു മന്ത്രി ഇ ചന്ദ്രശേഖരന്‍ ആലപ്പുഴയില്‍ മാധ്യമങ്ങളോട് പറഞ്ഞു.
കോടതി വിധി എന്തുതന്നെയായാലും നടപ്പാക്കാന്‍ സര്‍ക്കാരിന് ബാധ്യത ഉണ്ട്. നിലവില്‍ സുപ്രീംകോടതി വിധിയ്ക്കനുസരിച്ചാണ് സര്‍ക്കാര്‍ മുന്നോട്ട് പോകുന്നതെന്നും മന്ത്രി വ്യക്തമാക്കി.
തോട്ടം മേഖലയില്‍ പാട്ടക്കരാര്‍ കാലാവധി കഴിഞ്ഞവര്‍ക്ക് സര്‍ക്കാര്‍ നോട്ടീസ് നല്‍കും. കരാര്‍ നീട്ടിക്കൊടുക്കുന്നതിന് അപേക്ഷ ലഭിച്ചാല്‍ സര്‍ക്കാര്‍തലത്തില്‍ പരിശോധിച്ച് തീരുമാനമെടുക്കും. കാലാവധി കഴിഞ്ഞിട്ടും തുടര്‍ നടപടിയുണ്ടായില്ലെങ്കില്‍ മാത്രമേ ഭൂമി ഏറ്റെടുക്കുന്നതടക്കമുള്ള കാര്യങ്ങള്‍ ആലോചിക്കേണ്ടതുള്ളൂ എന്നും മന്ത്രി കൂട്ടിച്ചേര്‍ത്തു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.