October 1, 2022 Saturday

Related news

August 10, 2022
July 30, 2022
July 17, 2022
February 16, 2022
October 26, 2021
September 13, 2021
August 9, 2021
July 25, 2021
July 23, 2021
July 17, 2021

കരുവന്നൂർ സർവീസ് ബാങ്ക് തട്ടിപ്പ്: ഒന്നാം പ്രതി പിടിയിൽ

Janayugom Webdesk
തൃശൂർ:
August 9, 2021 8:23 pm

കരുവന്നൂർ സർവീസ് സഹകരണ ബാങ്ക് തട്ടിപ്പ് കേസിലെ ഒന്നാം പ്രതി ടി ആർ സുനിൽകുമാറിനെ തൃശൂർ ക്രൈം ബ്രാഞ്ച് അന്വേഷണ സംഘം അറസ്റ്റ് ചെയ്തു. ഈ കേസിലെ ഒന്നാം പ്രതിയും സഹകരണ ബാങ്ക് മുൻ സെക്രട്ടറിയുമായിരുന്ന സുനിൽകുമാർ ഇരിങ്ങാലക്കുട തളിയക്കോണം തൈവളപ്പിൽ സ്വദേശിയാണ്. കഴിഞ്ഞ 21 വർഷമായി കരുവന്നൂർ ബാങ്കിന്റെ സെക്രട്ടറിയായിരുന്നു. കേസ് രജിസ്റ്റർ ചെയ്തതിനെ തുടർന്ന് പ്രതി പല സ്ഥലങ്ങളിൽ ഒളിവിൽ കഴിഞ്ഞുവരികയായിരുന്നു.

പേരാമംഗലം പൊലീസ് സ്റ്റേഷൻ അതിർത്തിയിൽ ഉണ്ടെന്ന് രഹസ്യവിവരം കിട്ടിയതിനെ തുടർന്ന് ക്രൈംബ്രാഞ്ച് എഡിജിപി എസ് ശ്രീജിത്തിന്റെ നിർദ്ദേശപ്രകാരം എറണാകുളം റേഞ്ച് ക്രൈംബ്രാഞ്ച് ഐജിപി ഗോപേഷ് അഗ്രവാൾ ഐപിഎസ്, തൃശൂർ ക്രൈംബ്രാഞ്ച് ഡെപ്യൂട്ടി പൊലീസ് സൂപ്രണ്ട് വി എ ഉല്ലാസ്, പാലക്കാട് ക്രൈംബ്രാഞ്ച് ഡിവൈഎസ്പി ജോർജ് ജോസഫ് എന്നിവരുടെ നേതൃത്വത്തിലുള്ള സംഘം അറസ്റ്റ് ചെയ്യുകയായിരുന്നു. മറ്റു പ്രതികൾക്കായി ആന്ധ്ര, തമിഴ്‌നാട്, കർണാടക എന്നിവിടങ്ങളിൽ ക്രൈംബ്രാഞ്ച് പൊലീസ് പല സംഘങ്ങളായി ഊർജിതമായ അന്വേഷണം നടത്തിവരികയാണ്.

Eng­lish Sum­ma­ry: Karu­van­nur ser­vice bank scam: First accused arrested

You may like this video also

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.