കെഎഎസ് പരീക്ഷ; ഉദ്യോ​ഗാർഥികൾ ഇക്കാര്യങ്ങൾ ശ്രദ്ധിക്കുക

Web Desk

തിരുവനന്തപുരം

Posted on February 21, 2020, 11:06 am

കേരള പി എസ് സി നാളെ നടത്താൻ പോകുന്ന കെ എ എസ് ഒന്നാം ഘട്ട പരീക്ഷയുടെ ഒരുക്കങ്ങൾ പൂർത്തിയായി. രാവിലെ 10 മുതൽ 12 വരെയും ഉച്ചയ്ക്ക് 1.30 മുതൽ 3.30 വരെയും നടക്കുന്ന പരീക്ഷയിൽ 400,014 പേരാണ് എഴുതുന്നത്. രാവിലെ നടക്കുന്ന പരീക്ഷയിൽ എഴുതാത്തവരെ തുടർന്നുള്ള പരീക്ഷയിൽ പങ്കെടുപ്പിക്കില്ല. ഉദ്യോഗാർഥികൾ പരീക്ഷ തുടങ്ങുന്നതിന് 15 മിനിറ്റ് മുൻപ് ഹാളിലേക്കു പ്രവേശിപിപ്പിക്കും. പരീക്ഷ ഹാളിലേക്ക് വൈകി എത്തുന്നവരെ പ്രവേശിപ്പിക്കില്ല. അപേക്ഷയിൽ ആവശ്യപെട്ട ഉദ്യോഗാർഥികൾക്ക് തമിഴ്, കന്നട കോദ്യകടലാസുകൾ ലഭിക്കും.

മൊബൈൽ ഫോൺ, വാച്ച്, ഇലക്ട്രോണിക് ഉപകരണങ്ങൾ തുടങ്ങിയവ നിരോധിച്ചിരിക്കുകയാണ്. ചെറിയ ക്രമക്കേടു പോലും കണ്ടെത്തി നിയമ നടപടി സ്വീകരിക്കുമെന്നതിനാൽ ഉദ്യോഗാർഥികൾ ജാഗ്രത പുലർത്തണം. പരീക്ഷാ ഹാളിൽ വാച്ച് നിരോധിച്ചതിനാൽ ഉദ്യോഗാർഥികൾ സമയമറിയാൻ പരീക്ഷാ കേന്ദ്രത്തിലെ ബെൽ ശ്രദ്ധിക്കണം. പരീക്ഷ തുടങ്ങുന്നതിനു മുൻപു മുതൽ അവസാനിക്കുന്നതു വരെ ഏഴ് തവണയാണു ബെല്ലടിക്കുക. വേനൽക്കാലമായതിനാൽ ഹാളിൽ ശുദ്ധജലം ലഭ്യമാക്കണമെന്നു നിർദേശിച്ചിട്ടുണ്ട്.

ENGLISH SUMMARY: KAS exam can­didtes should fol­low these rules

YOU MAY ALSO LIKE THIS VIDEO