Web Desk

കൊച്ചി

March 09, 2020, 9:58 pm

കണ്‍വെന്‍ഷനുകളും തീര്‍ത്ഥാടനങ്ങള്‍ക്കും നിയന്ത്രണമേര്‍പ്പെടുത്തി കെസിബിസി

Janayugom Online

കൊവിഡ് 19 വൈറസ് സംസ്ഥാനത്ത് വീണ്ടും സ്ഥിരീകരിച്ചതിന്റെ പശ്ചാത്തലത്തില്‍ ആഘോഷങ്ങള്‍, കണ്‍വെന്‍ഷന്‍, തീര്‍ത്ഥാടനമെന്നിവയ്ക്കെല്ലാം നിയന്ത്രണമേര്‍പ്പെടുത്തി കെസിബിസി.  ഇതുമായി ബന്ധപ്പെട്ട് കെസിബിസി സര്‍ക്കുലര്‍ പുറപ്പെടുവിച്ചു. പരസ്പരം ഭീതിയും പരിഭ്രമവും പരത്തുകയല്ല, ആവശ്യമായ മുന്‍കരുതലുകളെടുക്കുകയും ജാഗ്രത പാലിക്കുകയുമാണ് ആവശ്യമെന്ന് സര്‍ക്കുലര്‍ പറയുന്നു.

രോഗം പടരാതിരിക്കുന്നതിന് ആരോഗ്യവകുപ്പു നല്‍കിയിട്ടുള്ള മുന്നറിയിപ്പുകളും നിര്‍ദ്ദേശങ്ങളും കൃത്യമായി പാലിക്കാന്‍ എല്ലാവരും ശ്രദ്ധവയ്ക്കണം. രോഗാണുക്കള്‍ വേഗത്തില്‍ നിയന്ത്രണവിധേയമാകുന്നതിനും, കൂടുതല്‍ ആളുകളിലേക്കും രാജ്യങ്ങളിലേക്കും രോഗം പടരാതിരിക്കുന്നതിനും യാത്രകളെയും പ്രവര്‍ത്തനശൈലികളെയും നിയന്ത്രിക്കേണ്ടതുണ്ടെന്നും സ്ഥിതിഗതികള്‍ പഠിച്ച ശേഷം കൂടുതല്‍ നിയന്ത്രണങ്ങള്‍ കൊണ്ടുവരുമെന്നും സര്‍ക്കുലറില്‍ വ്യക്തമാക്കുന്നു.

സിബിസിഐ പ്രസിഡന്റും ബോംബെ ആര്‍ച്ചുബിഷപ്പുമായ കര്‍ദിനാള്‍ ഓസ്വാള്‍ഡ് ഗ്രേഷ്യസ് ബോംബെ അതിരൂപതയില്‍ പാലിക്കേണ്ട മുന്‍കരുതലുകള്‍ സംബന്ധിച്ച് വൈദികര്‍ക്കും സ്ഥാപനമേധാവികള്‍ക്കും അയച്ചിട്ടുള്ള നിര്‍ദേശങ്ങളുടെ ഭാഗമായാണ് സര്‍ക്കുലര്‍.

you may also like this video;