Tuesday
12 Nov 2019

ഒറ്റപ്പെട്ട മഴയ്ക്ക് സാധ്യത ; ചൂട് വര്‍ധിക്കുമെന്ന് മുന്നറിയിപ്പ്

By: Web Desk | Wednesday 10 April 2019 9:57 AM IST


തിരുവനന്തപുരം: സംസ്ഥാനത്ത് അടുത്ത രണ്ട് ദിവസങ്ങളിലും ചൂട് വര്‍ധിച്ചേക്കുമെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. നിലവിലുള്ള ഉയര്‍ന്ന താപനിലയില്‍ നിന്നും ശരാശരി മൂന്ന് ഡിഗ്രി സെല്‍ഷ്യസ് വരെ താപനില ഉയര്‍ന്നേക്കാമെന്നാണ് ഗവേഷകര്‍ പറയുന്നത്.

പുറത്തിറങ്ങുന്നവര്‍ ജാഗ്രത പാലിക്കണമെന്ന് ദുരന്ത നിവാരണ അതോറിറ്റിയും നിര്‍ദ്ദേശിച്ചിട്ടുണ്ട്. ഇന്നലെ മാത്രം സംസ്ഥാനത്തിന്റെ വിവിധയിടങ്ങളില്‍ ഉള്ള 36 പേര്‍ക്ക് സൂര്യാതപമേറ്റു. പാലക്കാട് ജില്ലയില്‍ 12 പേര്‍ക്കും ആലപ്പുഴയില്‍ എട്ടുപേര്‍ക്കും കോഴിക്കോട്, മലപ്പുറം ജില്ലകളില്‍ നാലുപേര്‍ക്ക് വീതവും എറണാകുളം, പത്തനംതിട്ട ജില്ലകളില്‍ മൂന്നുപേര്‍ക്ക് വീതവും പൊള്ളലേറ്റതായി റിപ്പോര്‍ട്ട് ചെയ്യപ്പെട്ടിട്ടുണ്ട്.
സംസ്ഥാനത്തിന്റെ വിവിധ ഭാഗങ്ങളില്‍ പ്രത്യേകിച്ച് ആലപ്പുഴ , കോട്ടയം, പാലക്കാട്, വയനാട്, ഇടുക്കി ജില്ലകളില്‍ ഒറ്റപ്പെട്ട മഴയ്ക്ക് സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം അറിയിച്ചു.

Related News