സംസ്ഥാനത്തെ 100 ശതമാനം കുട്ടികൾക്കും ഓൺലൈൻ വിദ്യാഭ്യാസം സാധ്യമാക്കുമെന്നും ഇതിനുള്ള പദ്ധതികൾ ഊർജ്ജസ്വലതയോടെ നടപ്പാക്കുമെന്നും മുഖ്യമന്ത്രി പിണറായി വിജയൻ വ്യക്തമാക്കി. രാജ്യത്ത്‌ ഏറ്റവും മികച്ച ഓൺലൈൻ വിദ്യാഭ്യാസം നൽകിയ സംസ്ഥാനമായി കേരളം മാറിയത്‌ ഇച്ഛാശക്തികൊണ്ടാണെന്നും മുഖ്യമന്ത്രി പറഞ്ഞു.
കേരളത്തിലെ ഗ്രാമീണമേഖലയിൽ 91 ശതമാനം കുട്ടികൾക്ക്‌ ഓൺലൈൻ വിദ്യാഭ്യാസം ലഭിച്ചതായാണ്‌ വിദ്യാഭ്യാസ വാർഷിക സ്ഥിതി റിപ്പോർട്ടിൽ പറയുന്നത്‌. ഇത്‌ നൂറ്‌ ശതമാനമാക്കുകയാണ്‌ ലക്ഷ്യം. എല്ലാ ഘട്ടത്തിലും ജനം സർക്കാരിനൊപ്പം നിന്നു. വിദ്യാലയങ്ങൾ അടച്ചിടേണ്ടിവന്നത്‌ കോവിഡ് സൃഷ്ടിച്ച പ്രധാന പ്രതിസന്ധിയായിരുന്നു. എന്നാൽ, കുട്ടികളുടെ വിദ്യാഭ്യാസം ഉറപ്പാക്കുക എന്ന വെല്ലുവിളി ഏറ്റെടുക്കുകയായിരുന്നു. ഓൺലൈനിലൂടെ ഇത്‌ മുന്നോട്ടു കൊണ്ടുപോകാനായി. അധ്യാപകരും രക്ഷിതാക്കളും പൊതുസമൂഹവും ഒരുമിച്ച് നിന്നു. അതിന്‌ നേതൃത്വം നൽകാൻ സർക്കാരിനു സാധിച്ചു. ഡിജിറ്റൽ പഠനോപകരണം ലഭ്യമാക്കാൻ വിദ്യാകിരണം പദ്ധതി ആരംഭിച്ചു. ഇനിയും മുന്നേറേണ്ടതുണ്ട്‌. ഇതിനായി നമുക്ക് ഒരുമിച്ച് നിൽക്കാമെന്നും മുഖ്യമന്ത്രി ഫെയ്‌സ്‌ബുക്കിൽ കുറിച്ചു.
english summary: Kerala comes first with willpower
you may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.