Web Desk

തിരുവനന്തപുരം:

January 05, 2021, 5:57 pm

സംസ്ഥാനത്ത് 5615 പുതിയ കോവിഡ് രോഗികള്‍; 4922 പേര്‍ക്ക് രോഗമുക്തി

Janayugom Online

കേരളത്തിൽ ഇന്ന് 5615 പേർക്ക് കോവിഡ്-19 സ്ഥിരീകരിച്ചതായി ആരോഗ്യ വകുപ്പ് മന്ത്രി കെ. കെ. ശൈലജ ടീച്ചർ അറിയിച്ചു. കഴിഞ്ഞ ദിവസങ്ങളിലുണ്ടായ 24 മരണങ്ങളാണ് കോവിഡ്-19 മൂലമാണെന്ന് ഇന്ന് സ്ഥിരീകരിച്ചത്. ഇതോടെ ആകെ മരണം 3184 ആയി. ഇത് കൂടാതെ ഉണ്ടായ മരണങ്ങൾ എൻഐവി ആലപ്പുഴയിലെ പരിശോധനയ്ക്ക് ശേഷം സ്ഥിരീകരിക്കുന്നതാണ്.ഇന്ന് രോഗം സ്ഥിരീകരിച്ചവരിൽ 59 പേർ സംസ്ഥാനത്തിന് പുറത്ത് നിന്നും വന്നവരാണ്. 5037 പേർക്ക് സമ്പർക്കത്തിലൂടെയാണ് രോഗം ബാധിച്ചത്. 475 പേരുടെ സമ്പർക്ക ഉറവിടം വ്യക്തമല്ല. 44 ആരോഗ്യ പ്രവർത്തകർക്കാണ് രോഗം ബാധിച്ചത്. രോഗം സ്ഥിരീകരിച്ച് ചികിത്സയിലായിരുന്ന 4922 പേരുടെ പരിശോധനാഫലം നെഗറ്റീവ് ആയി.

യു. കെ. യിൽ നിന്നും വന്ന 2 പേർക്ക് കഴിഞ്ഞ 24 മണിക്കൂറിനകം കോവിഡ്-19 സ്ഥിരീകരിച്ചു. ഇതോടെ അടുത്തിടെ യു. കെ. യിൽ നിന്നും വന്ന 41 പേർക്കാണ് ഇതുവരെ കോവിഡ്-19 സ്ഥിരീകരിച്ചത്. ഇവരുടെ സാമ്പിളുകൾ തുടർപരിശോധനക്കായി എൻഐവി പൂനെയിലേക്ക് അയച്ചിട്ടുണ്ട്. അതിൽ 6 പേരിലാണ് ജനിതക വകഭേദം വന്ന വൈറസിനെ കഴിഞ്ഞ ദിവസം കണ്ടെത്തിയത്.

കഴിഞ്ഞ 24 മണിക്കൂറിനിടെ 61,269 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 9.16 ആണ്. റുട്ടീൻ സാമ്പിൾ, സെന്റിനൽ സാമ്പിൾ, സിബി നാറ്റ്, ട്രൂനാറ്റ്, പി. ഒ. സി. ടി. പി. സി. ആർ. , ആർ. ടി. എൽ. എ. എം. പി. , ആന്റിജൻ പരിശോധന എന്നിവ ഉൾപ്പെടെ ഇതുവരെ ആകെ 81,60, 890 സാമ്പിളുകളാണ് പരിശോധനയ്ക്കായി അയച്ചത്.

സംസ്ഥാനത്തെ വിവിധ ജില്ലകളിലായി 1,90, 990 പേരാണ് ഇപ്പോൾ നിരീക്ഷണത്തിലുള്ളത്. ഇവരിൽ 1,79,868 പേർ വീട്/ഇൻസ്റ്റിറ്റിയൂഷണൽ ക്വാറന്റൈനിലും 11,122 പേർ ആശുപത്രികളിലും നിരീക്ഷണത്തിലാണ്. 1082 പേരെയാണ് ഇന്ന് ആശുപത്രിയിൽ പ്രവേശിപ്പിച്ചത്.

ഇന്ന് 4 പുതിയ ഹോട്ട് സ്പോട്ടുകളാണുള്ളത്. ഇടുക്കി ജില്ലയിലെ അടിമാലി (കണ്ടെൻമെന്റ് സോൺ സബ് വാർഡ് 1), ആലപ്പുഴ ജില്ലയിലെ പാണ്ടനാട് (സബ് വാർഡ് 12), തൃശൂർ ജില്ലയിലെ മൂരിയാട് (7), കാസർഗോഡ് ജില്ലയിലെ പുതിഗെ (8) എന്നിവയാണ് പുതിയ ഹോട്ട് സ്പോട്ടുകൾ.

ഇന്ന് 6 പ്രദേശങ്ങളെ ഹോട്ട് സ്പോട്ടിൽ നിന്നും ഒഴിവാക്കി. ഇതോടെ നിലവിൽ ആകെ 445 ഹോട്ട് സ്പോട്ടുകളാണുള്ളത്.

രോഗം സ്ഥിരീകരിച്ചവര്‍

എറണാകുളം 719,കോട്ടയം 715,പത്തനംതിട്ട 665,തൃശൂർ 616,കൊല്ലം 435,കോഴിക്കോട് 426,ആലപ്പുഴ 391,തിരുവനന്തപുരം 388,മലപ്പുറം 385,പാലക്കാട് 259,കണ്ണൂർ 252,വയനാട് 175,ഇടുക്കി 131,കാസർഗോഡ് 58 എന്നിങ്ങനേയാണ് ജില്ലകളിൽ ഇന്ന് രോഗ ബാധ സ്ഥിരീകരിച്ചത്.

സമ്പര്‍ക്കരോഗികള്‍

എറണാകുളം 655,കോട്ടയം 670, പത്തനംതിട്ട 602,തൃശൂർ 603,കൊല്ലം 432,കോഴിക്കോട് 399,ആലപ്പുഴ 382,തിരുവനന്തപുരം 271,മലപ്പുറം 360, പാലക്കാട് 110, കണ്ണൂർ 204,വയനാട് 167,ഇടുക്കി 126,കാസർഗോഡ് 56 എന്നിങ്ങനേയാണ് സമ്പർക്കത്തിലൂടെ രോഗം ബാധിച്ചത്.

ആരോഗ്യപ്രവര്‍ത്തകര്‍

പത്തനംതിട്ട 8,തൃശൂർ, കോഴിക്കോട് 6 വീതം, എറണാകുളം 5,തിരുവനന്തപുരം, കണ്ണൂർ 4 വീതം, മലപ്പുറം 3,കൊല്ലം, വയനാട്, കാസർഗോഡ് 2 വീതം, കോട്ടയം, പാലക്കാട് 1 വീതം ആരോഗ്യ പ്രവർത്തകർക്കാണ് ഇന്ന് രോഗം ബാധിച്ചത്.

രോഗമുക്തര്‍

തിരുവനന്തപുരം 284,കൊല്ലം 283,പത്തനംതിട്ട 327,ആലപ്പുഴ 304,കോട്ടയം 707,ഇടുക്കി 140, എറണാകുളം 401,തൃശൂർ 520, പാലക്കാട് 251,മലപ്പുറം 495,കോഴിക്കോട് 655,വയനാട് 171,കണ്ണൂർ 341,കാസർഗോഡ് 43 എന്നിങ്ങനേയാണ് പരിശോധനാ ഫലം ഇന്ന് നെഗറ്റീവായത്. ഇതോടെ 63,802 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 7,17,311 പേർ ഇതുവരെ കോവിഡിൽ നിന്നും മുക്തി നേടി.