Web Desk

തിരുവനന്തപുരം

February 07, 2021, 5:58 pm

സംസ്ഥാനത്ത് 6075 പുതിയ രോഗികള്‍; 5948 പേര്‍ രോഗമുക്തി നേടി

Janayugom Online

കേരളത്തിൽ ഇന്ന് 6075 പേർക്ക് കോവിഡ്-19 സ്ഥിരീകരിച്ചതായി ആരോഗ്യ വകുപ്പ് മന്ത്രി കെ. കെ. ശൈലജ ടീച്ചർ അറിയിച്ചു.ഇന്ന് രോഗം സ്ഥിരീകരിച്ചവരിൽ 110 പേർ സംസ്ഥാനത്തിന് പുറത്ത് നിന്നും വന്നവരാണ്. 5603 പേർക്ക് സമ്പർക്കത്തിലൂടെയാണ് രോഗം ബാധിച്ചത്. 335 പേരുടെ സമ്പർക്ക ഉറവിടം വ്യക്തമല്ല.27 ആരോഗ്യ പ്രവർത്തകർക്കാണ് രോഗം ബാധിച്ചത്.രോഗം സ്ഥിരീകരിച്ച് ചികിത്സയിലായിരുന്ന 5948 പേരുടെ പരിശോധനാഫലം നെഗറ്റീവ് ആയി.

കഴിഞ്ഞ ദിവസങ്ങളിലുണ്ടായ 19 മരണങ്ങളാണ് കോവിഡ്-19 മൂലമാണെന്ന് ഇന്ന് സ്ഥിരീകരിച്ചത്. ഇതോടെ ആകെ മരണം 3867 ആയി. ഇത് കൂടാതെ ഉണ്ടായ മരണങ്ങൾ എൻഐവി ആലപ്പുഴയിലെ പരിശോധനയ്ക്ക് ശേഷം സ്ഥിരീകരിക്കുന്നതാണ്.

യു. കെ. യിൽ നിന്നും വന്ന ഒരാൾക്കാണ് കഴിഞ്ഞ 24 മണിക്കൂറിനകം കോവിഡ്-19 സ്ഥിരീകരിച്ചത്. അടുത്തിടെ യു. കെ. യിൽ നിന്നും വന്ന 80 പേർക്കാണ് ഇതുവരെ കോവിഡ്-19 സ്ഥിരീകരിച്ചത്. ഇവരിൽ 62 പേരുടെ പരിശോധനാഫലം നെഗറ്റീവായി. ആകെ 10 പേരിലാണ് ജനിതക വകഭേദം വന്ന വൈറസിനെ കണ്ടെത്തിയത്.

കഴിഞ്ഞ 24 മണിക്കൂറിനിടെ 65,517 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 9.27 ആണ്. റുട്ടീൻ സാമ്പിൾ, സെന്റിനൽ സാമ്പിൾ, സിബി നാറ്റ്, ട്രൂനാറ്റ്, പി. ഒ. സി. ടി. പി. സി. ആർ. , ആർ. ടി. എൽ. എ. എം. പി. , ആന്റിജൻ പരിശോധന എന്നിവ ഉൾപ്പെടെ ഇതുവരെ ആകെ 1,00, 96,326 സാമ്പിളുകളാണ് പരിശോധനയ്ക്കായി അയച്ചത്.

രോഗം സ്ഥിരീകരിച്ചവര്‍

കൊല്ലം 824,മലപ്പുറം 671,കോഴിക്കോട് 663,കോട്ടയം 639,പത്തനംതിട്ട 570, എറണാകുളം 558,തിരുവനന്തപുരം 442,തൃശൂർ 421,ആലപ്പുഴ 368,കണ്ണൂർ 254,വയനാട് 212,ഇടുക്കി 207,പാലക്കാട് 159,കാസർഗോഡ് 87 എന്നിങ്ങനേയാണ് ജില്ലകളിൽ ഇന്ന് രോഗ ബാധ സ്ഥിരീകരിച്ചത്.

സമ്പര്‍ക്കരോഗികള്‍

കൊല്ലം 812,മലപ്പുറം 645,കോഴിക്കോട് 653,കോട്ടയം 594,പത്തനംതിട്ട 521,എറണാകുളം 524,തിരുവനന്തപുരം 358,തൃശൂർ 408,ആലപ്പുഴ 350, കണ്ണൂർ 187,വയനാട് 198,ഇടുക്കി 198,പാലക്കാട് 83,കാസർഗോഡ് 72 എന്നിങ്ങനേയാണ് സമ്പർക്കത്തിലൂടെ രോഗം ബാധിച്ചത്.

ആരോഗ്യപ്രവര്‍ത്തകര്‍

പത്തനംതിട്ട 6,തൃശൂർ, കണ്ണൂർ 4 വീതം, തിരുവനന്തപുരം, കോഴിക്കോട്, കാസർഗോഡ് 3 വീതം, എറണാകുളം 2,കൊല്ലം, വയനാട് 1 വീതം ആരോഗ്യ പ്രവർത്തകർക്കാണ് ഇന്ന് രോഗം ബാധിച്ചത്.

രോഗമുക്തര്‍

തിരുവനന്തപുരം 525,കൊല്ലം 552,പത്തനംതിട്ട 224,ആലപ്പുഴ 257,കോട്ടയം 709,ഇടുക്കി 354,എറണാകുളം 726,തൃശൂർ 398,പാലക്കാട് 252,മലപ്പുറം 670, കോഴിക്കോട് 623,വയനാട് 263,കണ്ണൂർ 328,കാസർഗോഡ് 67 എന്നിങ്ങനേയാണ് പരിശോധനാ ഫലം ഇന്ന് നെഗറ്റീവായത്. ഇതോടെ 67,650 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 8,96,668 പേർ ഇതുവരെ കോവിഡിൽ നിന്നും മുക്തി നേടി.

സംസ്ഥാനത്തെ വിവിധ ജില്ലകളിലായി 2,24,659 പേരാണ് ഇപ്പോൾ നിരീക്ഷണത്തിലുള്ളത്. ഇവരിൽ 2,13,774 പേർ വീട്/ഇൻസ്റ്റിറ്റിയൂഷണൽ ക്വാറന്റൈനിലും 10, 885 പേർ ആശുപത്രികളിലും നിരീക്ഷണത്തിലാണ്. 1270 പേരെയാണ് ഇന്ന് ആശുപത്രിയിൽ പ്രവേശിപ്പിച്ചത്.

ഇന്ന് 11 പുതിയ ഹോട്ട് സ്പോട്ടുകളാണുള്ളത്. ഒരു പ്രദേശത്തേയും ഹോട്ട് സ്പോട്ടിൽ നിന്നും ഒഴിവാക്കിയിട്ടില്ല. നിലവിൽ ആകെ 445 ഹോട്ട് സ്പോട്ടുകളാണുള്ളത്.