Web Desk

തിരുവനന്തപുരം

March 16, 2021, 5:59 pm

സംസ്ഥാനത്ത് ഇന്ന് 1970 രോഗികള്‍; 2884 പേര്‍ രോഗമുക്തി നേടി

Janayugom Online

കേരളത്തിൽ ഇന്ന് 1970 പേർക്ക് കോവിഡ്19 സ്ഥിരീകരിച്ചു.ഇന്ന് രോഗം സ്ഥിരീകരിച്ചവരിൽ 70 പേർ സംസ്ഥാനത്തിന് പുറത്ത് നിന്നും വന്നവരാണ്. 1742 പേർക്ക് സമ്പർക്കത്തിലൂടെയാണ് രോഗം ബാധിച്ചത്. 145 പേരുടെ സമ്പർക്ക ഉറവിടം വ്യക്തമല്ല. കഴിഞ്ഞ ദിവസങ്ങളിലുണ്ടായ 15 മരണങ്ങളാണ് കോവിഡ് 19 മൂലമാണെന്ന് ഇന്ന് സ്ഥിരീകരിച്ചത്. ഇതോടെ ആകെ മരണം 4422 ആയി.13 ആരോഗ്യ പ്രവർത്തകർക്കാണ് രോഗം ബാധിച്ചത്. രോഗം സ്ഥിരീകരിച്ച് ചികിത്സയിലായിരുന്ന 2884 പേരുടെ പരിശോധനാഫലം നെഗറ്റീവ് ആയി.

കഴിഞ്ഞ 24 മണിക്കൂറിനകം സൗത്ത് ആഫ്രിക്കയിൽ നിന്നും വന്ന ഒരാൾക്ക് കോവിഡ് 19 സ്ഥിരീകരിച്ചു. അടുത്തിടെ യുകെ (99), സൗത്ത് ആഫ്രിക്ക (4), ബ്രസീൽ (1) എന്നീ രാജ്യങ്ങളിൽ നിന്നും വന്ന 104 പേർക്കാണ് ഇതുവരെ കോവിഡ്19 സ്ഥിരീകരിച്ചത്. ഇവരിൽ 91 പേരുടെ പരിശോധനാഫലം നെഗറ്റീവായി. ആകെ 11 പേരിലാണ് ജനിതക വകഭേദം വന്ന വൈറസിനെ കണ്ടെത്തിയത്.

കഴിഞ്ഞ 24 മണിക്കൂറിനിടെ 60, 974 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 3.23 ആണ്. റുട്ടീൻ സാമ്പിൾ, സെന്റിനൽ സാമ്പിൾ, സിബി നാറ്റ്, ട്രൂനാറ്റ്, പി. ഒ. സി. ടി. പി. സി. ആർ. , ആർ. ടി. എൽ. എ. എം. പി. , ആന്റിജൻ പരിശോധന എന്നിവ ഉൾപ്പെടെ ഇതുവരെ ആകെ 1,23,90, 578 സാമ്പിളുകളാണ് പരിശോധനയ്ക്കായി അയച്ചത്.

 രോഗം സ്ഥിരീകരിച്ചവര്‍

എറണാകുളം 238,കോഴിക്കോട് 237,കോട്ടയം 217,കണ്ണൂർ 176,തൃശൂർ 166,തിരുവനന്തപുരം 165,കൊല്ലം 163,പത്തനംതിട്ട 126,ആലപ്പുഴ 103,മലപ്പുറം 102,ഇടുക്കി 81,കാസർഗോഡ് 78,പാലക്കാട് 69,വയനാട് 49 എന്നിങ്ങനേയാണ് ജില്ലകളിൽ ഇന്ന് രോഗ ബാധ സ്ഥിരീകരിച്ചത്.

സമ്പര്‍ക്കരോഗികള്‍

എറണാകുളം 229,കോഴിക്കോട് 231,കോട്ടയം 199,കണ്ണൂർ 137,തൃശൂർ 164,തിരുവനന്തപുരം 102,കൊല്ലം 162,പത്തനംതിട്ട 107,ആലപ്പുഴ 101,മലപ്പുറം 96,ഇടുക്കി 76,കാസർഗോഡ് 67,പാലക്കാട് 25,വയനാട് 46 എന്നിങ്ങനെയാണ് സമ്പർക്കത്തിലൂടെ രോഗം ബാധിച്ചത്.

ആരോഗ്യപ്രവര്‍ത്തകര്‍

കണ്ണൂർ 4,തിരുവനന്തപുരം, എറണാകുളം, പാലക്കാട് 2 വീതം, പത്തനംതിട്ട, വയനാട്, കാസർഗോഡ് 1 വീതം ആരോഗ്യ പ്രവർത്തകർക്കാണ് രോഗം ബാധിച്ചത്.

രോഗമുക്തര്‍

തിരുവനന്തപുരം 183,കൊല്ലം 33,പത്തനംതിട്ട 141,ആലപ്പുഴ 159,കോട്ടയം 155,ഇടുക്കി 97,എറണാകുളം 752,തൃശൂർ 216,പാലക്കാട് 62,മലപ്പുറം 277,കോഴിക്കോട് 365,വയനാട് 35,കണ്ണൂർ 319,കാസർഗോഡ് 90 എന്നിങ്ങനേയാണ് പരിശോധനാ ഫലം ഇന്ന് നെഗറ്റീവായത്. ഇതോടെ 26,127 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 10, 63,444 പേർ ഇതുവരെ കോവിഡിൽ നിന്നും മുക്തി നേടി.

സംസ്ഥാനത്തെ വിവിധ ജില്ലകളിലായി 1,43,461 പേരാണ് ഇപ്പോൾ നിരീക്ഷണത്തിലുള്ളത്. ഇവരിൽ 1,39,309 പേർ വീട്/ഇൻസ്റ്റിറ്റിയൂഷണൽ ക്വാറന്റൈനിലും 4152 പേർ ആശുപത്രികളിലും നിരീക്ഷണത്തിലാണ്. 449 പേരെയാണ് ഇന്ന് ആശുപത്രിയിൽ പ്രവേശിപ്പിച്ചത്.

ഇന്ന് 3 പുതിയ ഹോട്ട് സ്പോട്ടുകളാണുള്ളത്. ഒരു പ്രദേശത്തേയും ഹോട്ട് സ്പോട്ടിൽ നിന്നും ഒഴിവാക്കിയിട്ടില്ല. നിലവിൽ ആകെ 355 ഹോട്ട് സ്പോട്ടുകളാണുള്ളത്.