പ്ലാസ്റ്റിക് നിരോധനം: ഒറ്റത്തവണ ഉപയോഗിക്കാവുന്ന പ്ലാസ്റ്റിക് ഉൽപ്പന്നങ്ങൾ പിടിച്ചെടുത്ത് നശിപ്പിക്കണമെന്ന് ഹൈക്കോടതി

Web Desk
Posted on January 15, 2020, 9:06 pm

കൊച്ചി: ഒറ്റത്തവണ മാത്രം ഉപയോഗിക്കാൻ സാധിക്കുന്ന പ്ലാസ്റ്റിക് ഉൽപ്പന്നങ്ങൾ പിടിച്ചെടുത്ത് നശിപ്പിക്കണമെന്ന് ഹൈക്കോടതി. ഇതിനായി സമയപരിധി നിശ്ചയിക്കണമെന്നും പരിസ്ഥിതി വകുപ്പിനേക്കൂടി ചേർത്ത് പരിശോധന നടത്തണമെന്നും കോടതി ഉത്തരവിട്ടു. ഈ വർഷം ജനുവരി ഒന്നിനാണ് സംസ്ഥാനത്ത് ഒറ്റത്തവണ മാത്രം ഉപയോഗിക്കാവുന്ന പ്ലാസ്റ്റിക്കിന് നിരോധനം നിലവിൽ വന്നത്.
പ്ലാസ്റ്റിക് നിരോധനം നിലവിൽ വന്ന സമയത്ത്, ഇതുമായി ബന്ധപ്പെട്ട് പരിശോധനകൾ പാടില്ലെന്ന് ഹൈക്കോടതിയുടെ നേരത്തെ ഉത്തരവ് ഇറക്കിയിരുന്നു. എന്നാൽ ഈ ഉത്തരവിൽ തിരുത്തൽ വരുത്തിക്കൊണ്ടാണ് കോടതി ഇപ്പോൾ പുതിയ ഉത്തരവ് പുറപ്പെടുവിച്ചിരിക്കുന്നത്. ഇതു പ്രകാരം ഒറ്റത്തവണ ഉപയോഗിക്കാവുന്ന പ്ലാസ്റ്റിക് നിർമിക്കുന്ന സ്ഥാപനങ്ങളിൽ പരിശോധന നടത്താം. കൂടാതെ പ്ലാസ്റ്റിക് നിരോധനം നിലവിൽ വന്നതിനുശേഷം നിർമിച്ചവ പിടിച്ചെടുക്കുകയും നശിപ്പിക്കുകയും ചെയ്യാം.

Eng­lish summary:Kerala high court com­ment on plas­tic ban

You may also like this video