Web Desk

തിരുവനന്തപുരം

February 11, 2020, 5:08 pm

57 കായികതാരങ്ങൾ പൊലീസിൽ; മുഖ്യമന്ത്രി നിയമന ഉത്തരവ് കൈമാറി

Janayugom Online

സംസ്ഥാനത്ത് 57കായികതാരങ്ങൾക്ക് കേരള പൊലീസിന്റെ നിയമന ഉത്തരവ് മുഖ്യമന്ത്രി പിണറായി വിജയൻ കൈമാറി. ചന്ദ്രശേഖരൻ നായർ സ്റ്റേഡിയത്തിലെ ബാസ്കറ്റ് ബാൾ കോർട്ടിൽ നടന്ന കേരള പൊലീസ് സ്പോർട്സ് ജംബോരി ചടങ്ങിലാണ് മുഖ്യമന്ത്രി നിയമന ഉത്തരവ് നൽകിയത്. കായിക താരങ്ങളുടെ ജേഴ്സി പ്രകാശനവും സ്പോട്സ് കിറ്റ് വിതരണവും മുഖ്യമന്ത്രി നിർവഹിച്ചു.

കേരള പൊലീസ് ഫുട്ബാൾ ടീമിനെ ചടങ്ങിൽ ആദരിച്ചു.ടീമിനുള്ള 50000 രൂപയുടെ ക്യാഷ് അവാർഡും ട്രോഫിയും മുൻ ഫുട്ബാൾ താരങ്ങളും കേരള പൊലീസ് ഉദ്യോഗസ്ഥരുമായ ഷറഫലിയും ഐഎം വിജയനും ഏറ്റുവാങ്ങി. സംസ്ഥാന പൊലീസ് മേധാവി ലോക്നാഥ് ബെഹ്റ, മുഖ്യമന്ത്രിയുടെ പൊലീസ് ഉപദേഷ്ടാവ് രമൺ ശ്രീവാസ്തവ, ഉന്നത പൊലീസ് ഉദ്യോഗസ്ഥർ എന്നിവർ സന്നിഹിതരായിരുന്നു.

Eng­lish SUm­ma­ry: Ker­ala Police recruit 57 sportspersons

You may also like this video