Web Desk

തിരുവനന്തപുരം

January 15, 2021, 7:40 pm

അമൂല്‍ മാതൃകയില്‍ റബര്‍ സംഭരണം: കേരള റബര്‍ ലിമിറ്റഡ് രൂപീകരിക്കും

Janayugom Online

തരിശുരഹിത കേരളം സാധ്യമാക്കാനുള്ള പരിശ്രമങ്ങൾക്ക് ആക്കം കൂട്ടൂന്ന ബജറ്റിൽ കർഷകരോടുള്ള കരുതൽ പ്രകടമാണ്. റ​ബ​റിന്റെ താ​ങ്ങു​വി​ല 170 രൂ​പ​യാ​യി ഉ​യ​ർ​ത്തിയ തീരുമാനം കർഷകർ ഏറെക്കാലമായി കാത്തിരുന്നതായിരുന്നു. വർഷങ്ങളായി തുടരുന്ന വില തകർച്ചയ്ക്കൊപ്പം കൊവിഡ് പ്രതിസന്ധിയും റബർ കർഷകരെ സാരമായി ബാധിച്ചിരുന്നു. ലോക്ക് ഡൗണിന് പിന്നാലെ നേരിയ തോതിൽ വില വർധിച്ചിരുന്നെങ്കിലും വീണ്ടും വില കുറയാൻ തുടങ്ങിയത് കർഷകരെ ആശങ്കയിലാക്കിയിരുന്നു.

കേരളത്തിൽ വർഷങ്ങളായി റബർ ആവർത്തന കൃഷിക്ക് സബ്സിഡി പോലും കേന്ദ്രം നൽകുന്നില്ലെന്ന പരാതികൾ നിലനിൽക്കെ കേരളസർക്കാരിന്റെ പ്രഖ്യാപനം റബർ കർഷകർക്ക് വലിയ ആശ്വാസമാണ് നൽകുന്നത്.

റബ്ബർ അധിഷ്ഠിത ഉൽപന്നങ്ങളുടെ ഹബ്ബ് സ്ഥാപിക്കുന്നതിന് 26 ശതമാനം സർക്കാർ ഓഹരിയുള്ള കേരള റബ്ബർ ലിമിറ്റഡ് രൂപീകരിക്കുമെന്ന് ധനമന്ത്രി വ്യക്തമാക്കി. 1050 കോടിയാണ് പ്രതീക്ഷിത മുതൽ മുടക്ക്. അമുൽ മാതൃകയിൽ റബ്ബർ സംഭരിക്കുന്നതിനുള്ള സഹകരണ സംഘം ഈ കമ്പനിയുമായി ബന്ധപ്പെട്ട് പ്രവർത്തിക്കും. വെള്ളൂർ ന്യൂസ് പ്രിന്റ് ഫാക്ടറിയുടെ മിച്ച സ്ഥലത്തായിരിക്കും കമ്പനിയെന്നും മന്ത്രി പിന്നീട് വിശദീകരിച്ചു.

അതേസമയം ബജറ്റ് പ്രസംഗത്തിൽ കാർഷിക നിയമ ഭേദഗതിയെ ധനമന്ത്രി തോമസ് ഐസക് രൂക്ഷമായി വിമർശിച്ചു. കർഷകരുടെ സമരം ഐതിഹാസികമെന്നും കർഷകരെ കുത്തകകൾക്ക് മുന്നിൽ അടിയറവയ്ക്കുന്നുവെന്നും മന്ത്രി കുറ്റപ്പെടുത്തി.

തരിശു രഹിത കേരളം സാധ്യമാക്കുന്നതിന് ഒരുപ്പൂ ഇരിപ്പൂ ആക്കുന്നതിനും തുടർവിളകളും ഇടവിളകളും കൃഷി ചെയ്യുന്നതിനും പ്രത്യേക പദ്ധതികള്‍ ബജറ്റില്‍ വിഭാവനം ചെയ്യുന്നു. സംഘകൃഷി ഗ്രൂപ്പുകളിലുടെയും അനുബന്ധ പ്രവര്‍ത്തികളിലൂടെയും കാര്‍ഷിക മേഖലയില്‍ രണ്ടുലക്ഷം തൊഴിലവസരങ്ങള്‍ ഉറപ്പാക്കുമെന്ന് മന്ത്രി വ്യക്തമാക്കി.

Eng­lish summary:Kerala rub­ber limited 

You may also like this video: