അമേരിക്കന് സുപ്രീം കോടതി ജസ്റ്റിസായി കെറ്റാന്ജി ബ്രൗണ് ജാക്സണ് സത്യപ്രതിജ്ഞ ചെയ്തു. യുഎസ് സുപ്രീം കോടതിയില് ജസ്റ്റിസ് പദവിയിലെത്തുന്ന ആദ്യ കറുത്ത വംശജയായ വനിതയാണ് കെറ്റാന്ജി ബ്രൗണ് ജാക്സണ്.
ജസ്റ്റിസ് സ്റ്റീഫന് ബ്രെയെര് വിരമിച്ചതോടെയാണ് സുപ്രീം കോടതിയിലെ 116ാമത്തെ ജസ്റ്റിസായി കെറ്റാന്ജി ചുമതലയേറ്റത്. കറുത്ത വംശജരായ പുരുഷന്മാര് മുമ്പും സുപ്രീം കോടതി ജസ്റ്റിസുമാരായിട്ടുണ്ടെങ്കിലും ഒരു സ്ത്രീ ഈ പദവിയിലെത്തുന്നത് ആദ്യമാണ്.
മറ്റ് മൂന്ന് വനിതാ ജസ്റ്റിസുമാരും കെറ്റാന്ജിക്കൊപ്പം സത്യപ്രതിജ്ഞ ചെയ്തു. സുപ്രീം കോടതിയുടെ ഒമ്പതംഗ ജസ്റ്റിസ് പാനലില് നാല് പേര് വനിതകളാകുന്നത് ഇതാദ്യമായാണ്.
51കാരിയായ കെറ്റാന്ജി അപ്പീല് കോടതി ജസ്റ്റിസായി സേവനമനുഷ്ഠിച്ച് വരികയായിരുന്നു. ഫെഡറല് ബെഞ്ചില് ഒമ്പത് വര്ഷത്തെ പ്രവര്ത്തിപരിചയവുമുണ്ട്.
ഫെബ്രുവരിയിലായിരുന്നു കെറ്റാന്ജിയെ പ്രസിഡന്റ് ജോ ബൈഡന് നാമനിര്ദേശം ചെയ്തത്. ഏപ്രില് ആദ്യ വാരമാണ് ജസ്റ്റിസായി നിയമിക്കപ്പെട്ടത്.
കഴിഞ്ഞ ദിവസമാണ് ചുമതലയേല്ക്കുന്നത്. 47നെതിരെ 53 വോട്ടുകള് നേടിയായിരുന്നു കെറ്റാന്ജിയുടെ നിയമനം സെനറ്റില് പാസായത്. വൈസ് പ്രസിഡന്റ് കമല ഹാരിസായിരുന്നു വോട്ടെടുപ്പിന് നേതൃത്വം നല്കിയത്.
English Summary: Ketanji Brown Jackson was sworn in
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.