Web Desk

February 25, 2020, 11:29 am

കോതമംഗലം പള്ളിക്കേസിൽ ജില്ലാ കളക്ടർക്ക് അന്ത്യശാസനം: അഞ്ച് മിനിറ്റിനുള്ളിൽ ഹാജരാകണമെന്ന് ഹൈക്കോടതി

Janayugom Online

കോതമംഗലം പള്ളിക്കേസിൽ ജില്ല കളക്ടർ അഞ്ച് മിനിറ്റിനുള്ളിൽ ഹാജരാകണമെന്ന് ഹൈക്കോടതി നിർദേശം. ഇല്ലെങ്കിൽ അറസ്റ്റിനുത്തരവിടുമെന്നും ഹൈക്കോടതി പറഞ്ഞു. കളക്ടർ ബന്ധപ്പെട്ട രേഖകളുമായി എത്തണമെന്നാണ് ആവശ്യം. പള്ളി ഏറ്റെടുക്കാൻ സാവകാശം തേടി സർക്കാർ ഹർജി സമർപ്പിച്ചിരുന്നു. എന്നാൽ കൂടുതൽ സമയം അനുവദിക്കാനാകില്ലെന്ന് ഹൈക്കോടതി വ്യക്തമാക്കി.

യാക്കോബായ ഓർത്തഡോക്സ് തർക്കം നിലനിൽക്കുന്ന കോതമംഗലം മാർത്തോമാ ചെറിയ പള്ളി ഭരണം ഏറ്റെടുക്കാനുള്ള നടപടികൾ ജില്ലാ ഭരണകൂടം നേരത്തെ തുടങ്ങിയിരുന്നു. എന്നാല്‍ കോടതി ഉത്തരവ് നടപ്പാക്കാന്‍ ഉദ്യോഗസ്ഥര്‍ പള്ളിയിലെത്തിയതിനെ തുടര്‍ന്ന് യാക്കോബായ വിശ്വാസികള്‍ ഗേറ്റ് പൂട്ടിയതിനാല്‍ പള്ളികവാടത്തില്‍ ആര്‍ഡിഒ നോട്ടീസ് പതിച്ച് മടങ്ങുകയായിരുന്നു. ഓർത്തഡോക്സ് വൈദികൻ തോമസ് പോൾ റമ്പാൻ നൽകിയ ഹർജിയിൽ ഡിസംബർ 3 നാണ് പള്ളിയുടെ ചുമതല ഏറ്റെടുത്ത് ഓർത്തഡോക്സ് വിഭാഗത്തിന് കൈമാറാൻ ഹൈക്കോടതി ഉത്തരവിട്ടത്.

Eng­lish Sum­ma­ry: Kothaman­galam church Issue

You may also like this video