തിരുവനന്തപുരത്ത് ഏഴ് ആരോഗ്യ പ്രവർത്തകർക്ക് കൂടി കോവിഡ് സ്ഥിരീകരിച്ചു. ഇതോടെ അഞ്ചു ദിവസത്തിനിടെ 38 ആരോഗ്യ പ്രവർത്തകർക്കാണ് ജില്ലയിൽ രോഗം സ്ഥിരീകരിച്ചത്. ജില്ലയിൽ തുടർച്ചയായി ആരോഗ്യ പ്രവർത്തകർക്കിടയിലെ രോഗ വ്യാപനം റിപ്പോർട്ട് ചെയ്യുന്നത് ആശങ്ക പടർത്തുന്നു.
വ്യാഴാഴ്ച മാത്രം 7 ആരോഗ്യ പ്രവർത്തകർക്കാണ് രോഗം സ്ഥിരീകരിച്ചത്. ഞായറാഴ്ച 6 ആരോഗ്യ പ്രവർത്തകർക്കും, തിങ്കളാഴ്ച 4 പേർക്കും ചൊവാഴ്ച 3 പേർക്കും ബുധനാഴ്ച 18 പേർക്കും രോഗം സ്ഥിരീകരിച്ചിരുന്നു.
തിരുവനന്തപുരം മെഡിക്കൽ കോളേജിലെ സ്ഥിതിയും ഗുരുതരമായി തുടരുകയാണ്. കഴിഞ്ഞ ദിവസങ്ങളിൽ മെഡിക്കൽ കോളേജിലെ കൂട്ടിരിപ്പുകാർക്കും രോഗികൾക്കും കോവിഡ് സ്ഥിരീകരിക്കുന്ന സാഹചര്യമുണ്ടായിരുന്നു. ഇതോടെയാണ് മെഡിക്കൽ കോളേജിൽ വലിയ ആശങ്ക ഉടലെടുത്തത്. തുടർന്ന് മെഡിക്കൽ കോളേജിലെ 300 ലധികം പേർ നിരീക്ഷണത്തിലായി. നിരീക്ഷണത്തിൽ ഏർപ്പെടുത്തിയിരിക്കുന്ന കൂടുതൽ പേർക്ക് കോവിഡ് സ്ഥിരീകരിക്കുന്നതാണ് നിലവിൽ സ്ഥിതി ഗുരുതരമാക്കാൻ കാരണം.
you may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.