Web Desk

കൊയിലാണ്ടി

July 18, 2021, 10:57 pm

ഇറാഖിൽ കപ്പലിനു തീപിടിച്ച് കൊയിലാണ്ടി സ്വദേശി മരിച്ചു

Janayugom Online

ഇറാഖ് തീരത്ത് കപ്പലിൽ തീപിടിച്ച് കൊയിലാണ്ടി സ്വദേശി മരിച്ചു. കപ്പലിലെ ജീവനക്കാരൻ കൊയിലാണ്ടി വിരുന്നുകണ്ടി കോച്ചപ്പന്റെ പുരയിൽ അതുൽരാജ്(28) ആണ് മരിച്ചത്. ജൂലൈ 13നാണ് അപകടമുണ്ടായതെന്നാണ് വിവരം.

ഇറാഖ് എണ്ണക്കപ്പലിലെ ജീവനക്കാരനായിരുന്നു അതുൽരാജ്. പേർഷ്യൻ ഉൾക്കടലിൽ ഉണ്ടായ അപകടത്തിൽ രണ്ട് ഇന്ത്യക്കാരടക്കം ഒമ്പതു പേർ മരിച്ചിട്ടുണ്ട്. അപകട വിവരം ഞായറാഴ്ചയാണ് അതുൽരാജിന്റെ വീട്ടിലറിയുന്നത്. കഴിഞ്ഞ ഒക്ടോബറിലാണ് അതുൽരാജ് കപ്പൽ ജോലിക്കുപോയത്.

കോച്ചപ്പന്റെ പുരയിൽ ഉത്തമന്റെയും ജയന്തിയുടെയും മകനാണ്. സഹോദരി അതുല്യ. മൃതദേഹം നാട്ടിലെത്തിക്കാനുളള ശ്രമം തുടങ്ങിയതായി ബന്ധുക്കൾ അറിയിച്ചു. കേന്ദ്ര വിദേശകാര്യ വകുപ്പുമായും ഇറാഖിലെ ഇന്ത്യൻ എംബസിയുമായും ബന്ധപ്പെട്ടിട്ടുണ്ട്.

Eng­lish Sum­ma­ry: Koy­i­lan­di native died in Iraq

You may like this video also