August 9, 2022 Tuesday

ഭൂപരിഷ്ക്കരണനിയമം രാജ്യത്തിനാകെ മാതൃകയായ ചുവടുവയ്പ്പ്: മന്ത്രി പി തിലോത്തമൻ

Janayugom Webdesk
December 28, 2019 9:41 pm

അമ്പലപ്പുഴ: കേരകർഷക സംഘം സംസ്ഥാന സമ്മേളനത്തിന് അമ്പലപ്പുഴ ടൗൺ ഹാളിൽ തുടക്കമായി. സമ്മേളനത്തിന്റെ ഭാഗമായി നടന്ന ‘ഭുപരിഷ്ക്കരണ നിയമത്തിന് 50 വയസ്സ്’ എന്ന സെമിനാർ ഭക്ഷ്യ സിവിൽ സപ്ലൈസ് മന്ത്രി പി തിലോത്തമൻ ഉദ്ഘാടനം ചെയ്തു. രാജ്യത്തിനാകെ മാതൃകയായ ചുവടുവെയ്പായിരുന്നു ഭൂപരിഷ്ക്കരണ നിയമമെന്ന് മന്ത്രി പറഞ്ഞു. ഇന്ന് രാജ്യത്തു നടക്കുന്ന കർഷക പ്രക്ഷോഭങ്ങൾ മറ്റൊരു ഭൂപരിഷ്ക്കരണത്തിന് തുടക്കമാകുമെന്നും തിലോത്തമൻ പറഞ്ഞു.
സംഘാടക സമിതി ചെയർമാൻ സി രാധാകൃഷ്ണൻ അദ്ധ്യക്ഷത വഹിച്ചു. കേരഫെഡ് ചെയർമാൻ അഡ്വ. ജെ വേണുഗോപാലൻ നായർ വിഷയാവതരണം നടത്തി. സിപിഐ ജില്ലാ സെക്രട്ടറി ടി ജെ ആഞ്ചലോസ്, ലാൽ വർഗ്ഗീസ് കല്പകവാടി, എ പ്രദീപൻ, അഡ്വ. ജോയിക്കുട്ടി ജോസ്, കെ പി കൃഷ്ണൻകുട്ടി, കെ എം സാലിഹ്, എൻ സുകുമാരപിള്ള, ഇ കെ ജയൻ, കെ എം ജൂനൈദ് എന്നിവർ സംസാരിച്ചു. സംഘാടക സമിതി ജനറൽ കൺവീനർ പി സുരേന്ദ്രൻ സ്വാഗതവും കേരകർഷകസംഘം ആലപ്പുഴ ജില്ലാ പ്രസിഡന്റ് ബി സുരേഷ് നന്ദിയും പറഞ്ഞു. ഇന്ന് രാവിലെ 10ന് നടക്കുന്ന പ്രതിനിധി സമ്മേളനം കൃഷി മന്ത്രി വി എസ് സുനിൽകുമാർ ഉദ്ഘാടനം ചെയ്യും.

‘you may like this video’

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.