സംസ്ഥാന സർക്കാരിന്റെ നാലാം വാർഷികാഘോഷത്തിന്റെ ഭാഗമായി എൽഡിഎഫിന്റെ നേതൃത്വത്തിൽ നടത്താൻ തീരുമാനിച്ചിരുന്ന ജില്ലാതല റാലികൾ ഉൾപ്പെടെ മാറ്റിവച്ചതായി കൺവീനർ ടി പി രാമകൃഷ്ണൻ പറഞ്ഞു. പരിപാടികൾ എപ്പോൾ നടത്തണമെന്ന് പിന്നീട് തീരുമാനിക്കും. ഇന്ത്യ– പാക് സംഘർഷത്തിന്റെ അന്തരീക്ഷത്തിലാണ് തീരുമാനം. ഭീകരവാദത്തിനെതിരെ രാജ്യം നടത്തുന്ന നീക്കത്തെ എൽഡിഎഫ് ഒറ്റക്കെട്ടായി പിന്തുണയ്ക്കും. ഭീകരവാദികളെ ഒറ്റപ്പെടുത്താൻ രാജ്യം സ്വീകരിച്ച നടപടികൾ സ്വാഗതാർഹമാണ്. രാജ്യത്തിന്റെ പരമാധികാരത്തെ തകർക്കാൻ ബോധപൂർവമായ ശ്രമമാണ് നടക്കുന്നത്. ഭീകരവാദത്തെ തുരത്തുകതന്നെ വേണം. അതിനായി രാജ്യം സ്വീകരിക്കുന്ന നിലപാടിനൊപ്പം ജനങ്ങൾ ഒറ്റക്കെട്ടായി അണിനിരക്കുമെന്നും അദ്ദേഹം വാർത്താസമ്മേളനത്തിൽ പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.