September 30, 2022 Friday

Related news

September 19, 2022
September 6, 2022
August 21, 2022
August 19, 2022
June 26, 2022
June 24, 2022
June 24, 2022
May 16, 2022
April 28, 2022
April 21, 2022

തെരഞ്ഞെടുപ്പ് പരാജയം:കോൺഗ്രസിനെതിരെ ഗുരുതര ആരോപണവുമായി ലീഗും

Janayugom Webdesk
തൊടുപുഴ:
December 19, 2020 11:02 pm
തദ്ദേശ സ്വയംഭരണ തെരഞ്ഞെടുപ്പില്‍ ഇടുക്കി ജില്ലയില്‍ യുഡിഎഫിനുണ്ടായ പരാജയം സഗൗരവം പരിശോധിക്കണമെന്ന് മുസ് ലിം ലീഗ്  ജില്ലാ കമ്മിറ്റി യുഡിഎഫ് നേതൃത്വത്തോടാവശ്യപ്പെട്ടു. കോണ്‍ഗ്രസ് നേതാക്കള്‍ക്കിടയിലുണ്ടായ അനൈക്യവും തെരഞ്ഞെടുപ്പ് പ്രവര്‍ത്തനങ്ങളുടെ  ആസൂത്രണത്തിലും ഏകോപനത്തിലും ഉണ്ടായ ഗുരുതര  വീഴ്ചചകളും ചിലരുടെ വല്യേട്ടന്‍ മനോഭാവവുമാണ് യുഡിഎഫിന് പ്രതീക്ഷിച്ച വിജയം നഷ്ടമാക്കിയതെന്ന് മുസ് ലിം ലീഗ് ജില്ലാ നേതൃയോഗം വിലയിരുത്തി.
തെരഞ്ഞെടുപ്പില്‍ ആവശ്യമായ മുന്നൊരുക്കങ്ങളോ ഘടക കക്ഷികള്‍ക്ക് അര്‍ഹമായ പരിഗണനയോ ഉണ്ടായില്ല.   സീറ്റ് ധാരണകളും സ്ഥാനാര്‍ഥി നിര്‍ണ്ണയവും വൈകിപ്പിച്ചത്  പ്രവര്‍ത്തനങ്ങളെ ബാധിച്ചു.  മുസ് ലിം ലീഗിന്  ബ്ലോക്ക് , ജില്ലാ പഞ്ചായത്തുകളില്‍ മാന്യമായ പരിഗണന ലഭിച്ചില്ല. കോണ്‍ഗ്രസും കേരളാ കോണ്‍ഗ്രസും  സീറ്റുകള്‍ വീതിച്ചെടുക്കുകയായിരുന്നു.
 കോണ്‍ഗ്രസ് നേതൃത്വത്തിനെതിരെ യോഗത്തില്‍ ശക്തമായ വിമര്‍ശനമുയര്‍ന്നു. എപ്പോഴും യുഡിഎഫ് വോട്ട് ബാങ്കായി ലീഗണികള്‍ നില്‍ക്കും എന്ന മനോഭാവമാണ് കോണ്‍ഗ്രസ് നേതാക്കന്‍മാര്‍ക്കുള്ളത്. വല്യേട്ടന്‍ ചിന്തകള്‍ മാറ്റി വച്ച് ഘടക കക്ഷികള്‍ക്ക് അര്‍ഹമായ പരിഹണന നല്‍കിയില്ലങ്കില്‍ യുഡിഎഫിന് സുരക്ഷിതമായി മുന്നോട്ടുപോകാനാകില്ലന്ന് യോഗം അംഗീകരിച്ച പ്രമേയം ചൂണ്ടിക്കാട്ടുന്നു.

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.