Web Desk

തിരുവനന്തപുരം

January 20, 2020, 9:56 pm

നിയമസഭ സമ്മേളനം 30 മുതല്‍

Janayugom Online

നിയമസഭ സമ്മേളനത്തിന് ജനുവരി 30 മുതല്‍ തുടക്കമാകും. പ്രധാന നിയമ നിർമ്മാണങ്ങൾക്കും ബജറ്റ് അവതരണത്തിനുമായി വിളിച്ചുചേർക്കുന്ന നിയമസഭ സമ്മേളനം ഫെബ്രുവരി 14ന് അവസാനിക്കും. ജനുവരി 30ന് ഗവർണറുടെ നയപ്രഖ്യാപന പ്രസംഗത്തോടെ ആരംഭിക്കുന്ന സഭാസമ്മേളനത്തിൽ ഫെബ്രുവരി ഏഴിന് അടുത്ത സാമ്പത്തിക വർഷത്തെ ബജറ്റ് ധനമന്ത്രി ഡോ. ടി എം തോമസ് ഐസക്ക് അവതരിപ്പിക്കും.
അന്തരിച്ച മുൻ നിയമസഭ സമാജികർക്ക് അന്തിമോപചാരം അർപ്പിച്ച് 31ന് സഭ പിരിയും. ഒരു വർഷത്തെ ആദ്യസഭ തുടങ്ങുമ്പോൾ ഗവർണറുടെ നയപ്രഖ്യാപനത്തോടെ വേണമെന്ന കീഴ്‌വഴക്കം പാലിക്കാനാണ് ആദ്യദിനം അന്തിമോപചാരം ഒഴിവാക്കിയത്.

Eng­lish Sum­ma­ry: Leg­isla­tive ses­sion starts from 30th.

you may also like this video;