എല്ഗാര് പരിഷദ് കേസില് അറസ്റ്റിലായി ജയിലില് കഴിയുന്നവരുടെ കത്തുകള് ജയില് അധികൃതര് തടഞ്ഞു വയ്ക്കുന്നതായി ആരോപണം. സുഹൃത്തുക്കള്ക്കടക്കം അയക്കാനായി നല്കുന്ന കത്തുകള് നാഗപൂരിലെ ഭീകര വിരുദ്ധ സ്ക്വാഡിലേക്കാണ് ജയില് അധികൃതര് കെെമാറുന്നത്.
കേസില് അറസ്റ്റിലായി തലോജ ജയിലില് കഴിയുന്ന എഴുത്തുകാരനും സാമൂഹ്യപ്രവര്ത്തകനുമായ സുധീര് ധവാലെ സ്റ്റാന് സ്വാമിയെക്കുറിച്ചെഴുതി പ്രസിദ്ധീകരിക്കാന് നല്കിയ കവിതയും സമാനമായ രീതിയില് അധികൃതര് ഭീകരവിരുദ്ധ സ്ക്വാഡിനാണ് കെെമാറിയത്. എല്ഗാര് പരിഷദ് കേസ് അന്വേഷണത്തിന്റെ ഒരു ഘട്ടങ്ങളിലും നാഗ്പൂര് ഭീകരവിരുദ്ധ സ്ക്വാഡിന് പങ്കുണ്ടായിരുന്നില്ല. ഇത് ചൂണ്ടിക്കാട്ടി ജയില് അധികൃതരെ സമീപിച്ച ധവാലയ്ക്ക് , കത്ത് സര്ക്കാര് വിരുദ്ധസ്വഭാവമുളളതാണെന്നും പുറത്ത് വിടാന് കഴിയില്ലെന്നുമാണ് അധികൃതര് മറുപടി നല്കിയത്. എല്ഗാര് പരിഷദ് കേസില് ആദ്യം അറസ്റ്റിലായ പ്രവര്ത്തകരില് ഒരാളാണ് ധവാലെ.
ധവാലെയുടെ കത്തില് ഭീകരവിരുദ്ധ സ്ക്വാഡ് സംശയം പ്രകടിപ്പിച്ചതിനാല് കത്ത് കെെമാറ്റം ചെയ്യാന് കഴിയില്ലെന്ന് തലോജ ജയില് സൂപ്രണ്ട് എന്ഐഎ കോടതിയെ അറിയിച്ചിരുന്നു.
English Summary : letters of convicts in elgar parishad case detained by jail authorities
You may also like this video :
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.