സാഹിത്യ നിരൂപകനും അധ്യാപകനുമായിരുന്ന എംആര് ചന്ദ്രശേഖരന് അന്തരിച്ചു. 96 വയസ്സായിരുന്നു. എറണാകുളത്തെ സാന്ത്വന പരിചരണ കേന്ദ്രത്തില് ഇന്നുപുലര്ച്ചെ 1.15ന് ഹൃദയാഘാതം മൂലമാണ് മരണം.
നിരൂപണത്തില് കേരള സാഹിത്യ ആക്കാദമി അവാര്ഡും വിവര്ത്തനത്തിന് എംഎന് സത്യാര്ഥി പുരസ്കാരവും നേടിയിട്ടുണ്ട്. വാര്ധക്യസഹജമായ അസുഖങ്ങളെ തുടര്ന്ന് വിവിധ ആശുപത്രികളിലെ ചികിത്സയ്ക്ക് ശേഷം രണ്ടുദിവസം മുന്പാണ് ഇവിടെ പ്രവേശിപ്പിച്ചത്. അക്കാദമിയുടെ ജനറല് കൗണ്സിലിലും നിര്വാഹകസമിതിയിലും അംഗമായിരുന്നു,ശ്രദ്ധേയനായ നിരൂപകനായിരുന്നു അദ്ദേഹം. അന്പതിലേറെ പുസ്തകങ്ങള് പ്രസിദ്ധീകരിച്ചു.
തൃശൂര് വിവേകോദയം ബോയ്സ് സ്കൂള്, കേരളവര്മ കോളജ് എന്നിവിടങ്ങളിലായിരുന്നു വിദ്യാഭ്യാസം. കാലിക്കറ്റ് സര്വകലാശാല സെനറ്റ്, സിന്ഡിക്കേറ്റ്, തുഞ്ചത്ത് എഴുത്തച്ഛന് മലയാളം സര്വകലാശാല അക്കാദമിക് കൗണ്സില് എന്നിവയിലും അംഗമായിരുന്നു. മുണ്ടശേരിയുടെ നവജീവന്, മാതൃഭൂമി ദിനപത്രം തുടങ്ങിയ സ്ഥാപനങ്ങളില് സേവനം അനുഷ്ഠിച്ചിട്ടുണ്ട്.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.