Web Desk

ഭോപാല്‍

March 29, 2020, 3:06 pm

ലോക്ക് ഡൗണ്‍ ലംഘിച്ച തൊഴിലാളികളുടെ നെറ്റിയില്‍ ചാപ്പകുത്തി മധ്യപ്രദേശ് പൊലീസ്

Janayugom Online

ലോക്ക് ഡൗണ്‍ നിയന്ത്രണങ്ങള്‍ ലംഘിച്ച് നാട്ടിലേക്ക് മടങ്ങിയെത്തിയ തൊഴിലാളികളുടെ നെറ്റിയില്‍ ചാപ്പകുത്തി മധ്യപ്രദേശ് പൊലീസ്. ഉത്തര്‍പ്രദേശില്‍ നിന്ന് മടങ്ങിയെത്തിയ മൂന്ന് തൊഴിലാളികളെയാണ് ഛത്തര്‍പൂര്‍ ജില്ലയിലെ ഗൗരിഹാര്‍ പൊലീസ് സ്റ്റേഷന്‍ പരിധിയില്‍ വച്ച് പൊലീസ് ചാപപകുത്തിയത്. ഞാന്‍ ലോക്ക് ഡൗണ്‍ നിയന്ത്രണങ്ങള്‍ ലംഘിച്ചു, എന്നില്‍ നിന്ന് അകന്നു നില്‍ക്കുക എന്നാണ് ഇവരുടെ നെറ്റിയില്‍ എഴുതിയത്. പൊലീസിനെതിരെ രൂക്ഷ വിമര്‍ശനമാണ് ഉയരുന്നത്.

പ്രാഥമിക പരിശോധനാ കേന്ദ്രത്തില്‍ വച്ച് തൊഴിലാളികളെ ഇന്‍സ്പെക്ടര്‍ ശകാരിക്കുകയും ലോക്ക് ഡോണ്‍ ലംഘിച്ച ഇവരുടെ നെറ്റിയില്‍ ഇത്തരത്തില്‍ ചാപ്പകുത്താന്‍ നിര്‍ദ്ദേശിക്കുകയുമായിരുന്നു. ഇത്തരം പെരുമാറ്റത്തില്‍ ഏര്‍പ്പെടരുതെന്ന് പൊലീസിന് നിര്‍ദ്ദേശം നല്‍കിയതായി ഛത്തര്‍പൂര്‍ എസ് പി കുമാര്‍ സോരഭ് മാധ്യമങ്ങളോട് പറഞ്ഞു.

Eng­lish Summary:lock down vio­la­tion-police put mark on work­ers forehead

You may also like this video