രുചിയും മണവും നഷ്ടപ്പെട്ടുവെന്ന് തോന്നിയോ? ഉടന്‍ തന്നെ ഡോക്ടറെ സമീപിക്കുക

രുചിയും മണവും നഷ്ടപ്പെട്ടുവെന്ന് തോന്നിയാൽ ഉടനെ സമീപത്തുള്ള ഡോക്ടർമാരെ സമീപിച്ചു പരിശോധനയ്ക്ക് വിധേയമാകണമെന്ന് യുഎസ് ആരോഗ്യ വകുപ്പ് അധികൃതർ അറിയിച്ചു. കൊറോണ വൈറസ് ശരീരത്തിൽ പ്രവേശിക്കുമ്പോൾ ഉണ്ടാകുന്ന ലക്ഷണങ്ങളിൽ ഏറ്റവും പ്രധാനമാണിത്. അങ്ങനെയുള്ളവർ സ്വയം ഐസൊലേഷനിൽ പ്രവേശിക്കണമെന്നും അധികൃതർ അറിയിച്ചു.

അമേരിക്കൻ അക്കാദമി ഓഫ് ഓട്ടോ ലാറിൻ ജോളണ്ടി ഹെഡ് ആൻറ് നെക് സർജറി വിഭാഗവുമായി സഹകരിച്ച് അമേരിക്കൻ ആരോഗ്യ വകുപ്പ് നടത്തിയ പഠനത്തിലാണ് രുചിയും മണവും നഷ്ടപ്പെടുന്നത് കൊറോണയുടെ പ്രധാന ലക്ഷണമാണെന്നു കണ്ടെത്തിയത്.

അനോസ്മി എന്ന പേരിൽ അറിയപ്പെടുന്ന ‘മണം നഷ്ടപ്പെടൽ’ കൊറോണ പോസിറ്റീവ് രോഗികളിൽ ധാരാളം കണ്ടു വരുന്നതായി അധികൃതർ ചൂണ്ടിക്കാട്ടി. യൂട്ടായിലെ ജാസ് സ്റ്റാർ റൂഡി ഗോബർട്ടിന് കൊറോണ വൈറസ് പോസിറ്റീവ് ആണെന്നു കണ്ടെത്തിയപ്പോൾ രുചിയും ഗന്ധവും തിരിച്ചറിയാത്ത അവസ്ഥയിലായിരുന്നുവെന്ന് റൂഡി എഴുതി.

Eng­lish Sum­ma­ry; Loss of smell or taste a symp­tom of coro­na virus infection

YOU MAY ALSO LIKE THIS VIDEO