അഞ്ച് ദിവസത്തെ ഇന്ത്യ സന്ദർശനത്തിനായി ശ്രീലങ്കൻ പ്രധാനമന്ത്രി മഹിന്ദ രജപക്സെ ഇന്ത്യയിലെത്തി. പ്രതിരോധം, സമുദ്ര സുരക്ഷ, തുടങ്ങിയ മേഖലകളിൽ ഇരു രാജ്യങ്ങൾക്കുമിടയിലുള്ള ഉഭയകക്ഷി ബന്ധം ഊട്ടിയുറപ്പിക്കുകയാണ് പ്രധാന ലക്ഷ്യം. പ്രധാനമന്ത്രി നരേന്ദ്ര മോ‍ഡിയുമായി രജപക്സെ കൂടിക്കാഴ്ച നടത്തി. തമിഴ് വംശജരുടെ ആശങ്കകൾ പരിഹരിക്കാൻ ശ്രീലങ്കൻ സർക്കാർ മുൻകൈയ്യെടുക്കുമെന്ന് പ്രതീക്ഷിക്കുന്നതായി ഇന്ത്യ പ്രതീക്ഷ പ്രകടിപ്പിച്ചു. വാരാണസി, സാരനാഥ്, ബോഥ് ഗയ, തിരുപ്പതി എന്നിവിടങ്ങളിലും അദ്ദേഹം സന്ദർശനം നടത്തും.

സഹോദരൻ ഗൊതബായ രജപക്സെ നവംബറിൽ ശ്രീലങ്കൻ പ്രസിഡന്റായി ചുമതലയേറ്റത്തിന് പിന്നാലെയാണ് മഹിന്ദ രജപക്സെ ശ്രീലങ്കൻ പ്രധാനമന്ത്രിയായത്. പ്രധാനമന്ത്രിയെന്ന നിലയിൽ രജപക്സെയുടെ ആദ്യ വിദേശ സന്ദർശനമാണിത്. പ്രസിഡന്റായി ചുമതലയേറ്റതിന് പിന്നാലെ നവംബറിൽ തന്നെ മഹിന്ദ രജപക്സെ ഇന്ത്യയിൽ എത്തിയിരുന്നു. അന്നത്തെ കൂടിക്കാഴ്ചയിൽ പ്രധാനമന്ത്രി നരേന്ദ്രമോഡി ശ്രീലങ്കയ്ക്ക് 450 മില്യൺ യുഎസ് ഡോളർ സാമ്പത്തിക സഹായം വാഗ്ദാനം ചെയ്തിരുന്നു.

Eng­lish Sum­ma­ry: Mahin­da Rajapak­sa met Prime Min­is­ter Naren­dra Modi

You may also like this video