ഹോട്ടലിൽ മ​ല​യാ​ളികൾ മരിച്ച സംഭവം: നേ​പ്പാ​ൾ അ​ന്വേ​ഷ​ണം പ്രഖ്യാപിച്ചു

നേ​പ്പാ​ളിൽ റി​സോ​ർ​ട്ട് മു​റി​യി​ൽ മ​ല​യാ​ളി വി​നോ​ദ​സ​ഞ്ചാ​രി​ക​ളെ മ​രി​ച്ച​നി​ല​യി​ൽ ക​ണ്ടെ​ത്തി​യ സം​ഭ​വ​ത്തി​ൽ നേ​പ്പാ​ൾ സ​ർ​ക്കാ​ർ അ​ന്വേ​ഷ​ണം പ്ര​ഖ്യാ​പി​ച്ചു. അ​ന്വേ​ഷ​ണ​ത്തി​ന് പ്ര​ത്യേ​ക സ​മി​തി​യെ നി​യോ​ഗി​ച്ചു. നേപ്പാൾ ടൂ​റി​സം വ​കു​പ്പാ​ണ് അ​ന്വേ​ഷ​ണം പ്രഖ്യാപിച്ചത്.

അതേസമയം എട്ട് മലയാളികളുടെയും മൃതദേഹങ്ങൾ ഇന്ന് പോസ്റ്റ്മോർട്ടം ചെയ്യും. ഒമ്പത് മണിയോടെ പോസ്റ്റ്മോർട്ടം നടപടികൾ തുടങ്ങുമെന്നാണ് കാഠ്മണ്ഡു പൊലീസ് അറിയിച്ചിട്ടുള്ളത്. കാഠ്മണ്ഡുവിലെ ടീച്ചിംഗ് ആശുപത്രിയിലാണ് മൃതദേഹങ്ങൾ സൂക്ഷിച്ചിരിക്കുന്നത്. മൃതദേഹം നാട്ടിലെത്തിക്കാനുള്ള ശ്രമങ്ങൾ പുരോഗമിക്കുകയാണെന്ന് വിദേശകാര്യ മന്ത്രാലയം അറിയിച്ചു.

തി​രു​വ​ന​ന്ത​പു​രം ചേ​ങ്കോ​ട്ടു​കോ​ണം രോ​ഹി​ണി ഭ​വ​നി​ൽ കൃ​ഷ്ണ​ൻ നാ​യ​രു​ടെ മ​ക​ൻ പ്ര​വീ​ൺ (39), ഭാ​ര്യ ശ​ര​ണ്യ (34) മ​ക്ക​ളാ​യ ശ്രീ​ഭ​ദ്ര (8), ആ​ർ​ച്ച (6), അ​ഭി​ന​വ് (4), കോ​ഴി​ക്കോ​ട് കു​ന്ന​മം​ഗ​ലം വെ​ളൂ​ർ പു​ന​ത്തി​ൽ ര​ഞ്ജി​ത്ത്(37), ഭാ​ര്യ ഇ​ന്ദു​ല​ക്ഷ്മി(29), മ​കൻ വൈ​ഷ്ണ​വ് (​ര​ണ്ട്) എ​ന്നി​വ​രാ​ണ് ദ​മാ​നി​ലെ റി​സോ​ർ​ട്ടിൽ മ​രി​ച്ച​ത്. ത​ണു​പ്പ​ക​റ്റാ​ൻ ഇവർ മു​റി​യി​ൽ ഗ്യാ​സ് ഹീ​റ്റ​ർ ഉ​പ​യോ​ഗി​ച്ചി​രു​ന്നു. ഹീ​റ്റ​റി​ൽ​നി​ന്നുണ്ടാ​യ വാ​ത​കം ശ്വ​സി​ച്ചാ​ണ് ഇ​വ​ർ മ​രി​ച്ച​തെ​ന്നാ​ണു പ്രാ​ഥ​മി​ക നിഗമനം.

ശ​നി​യാ​ഴ്ച​യാ​യി​രു​ന്നു 15 അം​ഗ സം​ഘം നേ​പ്പാ​ളി​ലേ​ക്കു പോ​യ​ത്. തി​ങ്ക​ളാ​ഴ്ച രാ​ത്രി ഒ​ൻ​പ​ത​ര​യോ​ടെ​യാ​ണ് ഇ​വ​ർ റി​സോ​ർ​ട്ടി​ലെ​ത്തി​യ​ത്. നാ​ലു മു​റി​ക​ളാ​യിരു​ന്നു ബു​ക്ക് ചെ​യ്തി​രു​ന്ന​ത്. ഒ​രു മു​റി​യി​ൽ താ​മ​സി​ച്ച എ​ട്ടു പേ​രാ​ണു മ​രി​ച്ച​ത്. മ​റ്റു​ള്ള​വ​ർ മ​റ്റു മുറികളിലായിരുന്നു.