നിരീക്ഷണത്തിലുണ്ടായിരുന്നയാള്‍ ആശുപത്രിയില്‍ നിന്ന് ചാടിപ്പോയി. കൊല്ലം പത്തനാപുരത്താണ് സംഭവം. കലഞ്ഞൂരിൽ വാടകയ്ക്ക് താമസിക്കുന്ന തമിഴ്നാട് തിരുനെൽവേലി സ്വദേശി തങ്കമാണ് കടന്നു കള‍ഞ്ഞത്.

പത്തനാപുരത്തെ സ്വകാര്യആശുപത്രിയിൽ ഇന്നലെ മുതല്‍ നിരീക്ഷണത്തിലായിരുന്നു ഇയാള്‍. ഇയാള്‍ക്ക് പനിയും ചുമയും ഉള്ളതിനാലാണ് നിരീക്ഷണത്തിലാക്കിയത്. വാഴപ്പാറ വനംവകുപ്പ് ഡിപ്പോയ്ക്ക് സമീപത്ത് നിന്ന് ഇയാളുടെ ഇരുചക്ര വാഹനം പൊലീസ് കണ്ടെത്തിയിട്ടുണ്ട്.

വനത്തിനുള്ളിലേയ്ക്ക് കടന്നിട്ടുണ്ടാകും എന്നാണ് പൊലീസ് സംശയിക്കുന്നത്. ഇയാളെക്കുറിച്ച് വിവരം ലഭിക്കുന്നവര്‍ ആരോഗ്യ വകുപ്പിനെയോ പൊലീസിനെയോ അറിയിക്കണമെന്ന് ജില്ലാ ഭരണകൂടം അറിയിച്ചിട്ടുണ്ട്.

Eng­lish Sum­ma­ry: Man escaped from the iso­la­tion ward.

you may also like this video;