August 12, 2022 Friday

മെട്രോയിൽ യുവതിക്ക് നേരെ യുവാവിന്റെ അശ്ലീലപ്രദര്‍ശനം

Janayugom Webdesk
ന്യൂഡൽഹി
February 13, 2020 7:07 pm

രാജ്യതലസ്ഥാനത്ത് മെട്രോ ട്രെയിനിൽ യുവാവ് അശ്ലീലപ്രദര്‍ശനം നടത്തിയതായി പരാതി. കഴിഞ്ഞ ദിവസം ഡൽഹിയിൽ നിന്ന് ഗുരുഗ്രമിലേക്ക് യാത്ര ചെയ്ത യുവതിക്കാണ് ദുരനുഭവമുണ്ടായത്. ഇക്കാര്യം വിശദീകരിച്ച് യുവാവിന്റെ ഫോട്ടോ സഹിതം യുവതി ട്വീറ്റ് ചെയ്തു. സംഭവം സമൂഹ മാധ്യമങ്ങളിൽ ചർച്ചയായതോടെ കർശന നടപടി സ്വീകരിക്കുമെന്ന് ഡൽഹി മെട്രോ അറിയിച്ചു.

ജോലി കഴിഞ്ഞ് വീട്ടിലേക്ക് മടങ്ങുകയായിരുന്നു യുവതി. ട്രെയിനിലെ ഏഴാമത്തെ കോച്ചിലാണ് യാത്ര ചെയ്തിരുന്നത്. സീറ്റിൽ ഇരിക്കുകയായിരുന്ന തനിക്ക് നേരെ യുവാവ് അശ്ലീലപ്രദര്‍ശനം നടത്തുവായിരുന്നുവെന്നാണ് യുവതിയുടെ പരാതി. ഇതോടെ തനിക്ക് ഭയവും മരവിപ്പും അനുഭവപ്പെട്ടെന്നും യുവതി പറയുന്നു. തൊട്ടുപിന്നാലെ ഇയാളുടെ ഫോട്ടോ പകര്‍ത്തുകയും ചെയ്തു. ഇത് ശ്രദ്ധയില്‍പ്പെട്ടതോടെ യുവതിയുടെ പരാതിയില്‍ ഡിഎംആര്‍സി ട്വിറ്ററിലൂടെ തന്നെ മറുപടി നല്‍കി. സംഭവത്തെക്കുറിച്ച് പരിശോധിക്കുകയാണെന്നും ഇത്തരം അനുഭവങ്ങളുണ്ടായാല്‍ എല്ലാവരും ഡിഎംആര്‍സി ഹെല്‍പ് ലൈന്‍ നമ്പറിലോ(155370) സിഐഎസ്എഫ് ഹെല്‍പ് ലൈന്‍ നമ്പറിലോ(155655) ബന്ധപ്പെടണമെന്നും അവര്‍ അഭ്യര്‍ഥിച്ചു.

ENGLISH SUMMARY: Man flash­es his pri­vate parts in Del­hi metro

YOU MAY ALSO LIKE THIS VIDEO

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.