Web Desk

മലപ്പുറം

January 17, 2020, 3:37 pm

ഓട്ടിസം ബാധിച്ച സഹോദരീപുത്രിയെ പീഡനത്തിരയാക്കി; അറുപതുകാരനെ കൊലപ്പെടുത്തി അമ്മാവൻ

Janayugom Online

ഓട്ടിസം ബാധിച്ച സഹോദരീപുത്രിയെ പീഡനത്തിരയാക്കിയ അറുപതുകാരനെ കുത്തികൊലപ്പെടുത്തി പെൺകുട്ടിയുടെ അമ്മാവൻ. മലപ്പുറം പയ്യനാട്ടിലാണ് സംഭവം. പള്ളികെട്ടി സൈതലവിയാണ് കൊല്ലപ്പെട്ടത്. 2016 ലായിരുന്നു ഓട്ടിസം ബാധിച്ച പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിച്ചത്. ഈ കേസിൽ സൈതലവി ഒരു വർഷത്തോളം ജയിൽ കഴിയുകയായിരുന്നു. കുറച്ചു മാസം മുൻപാണ് ഇയാൾ ജാമ്യത്തിൽ ഇറങ്ങിയത്.

കേസിന്റെ വിചാരണ നടന്നുവരുകയായിരുന്നു. സഹോദരീപുത്രിയെ ലൈംഗികമായി പീഡനത്തിന് ഇരയാക്കിയതിലുള്ള വൈരാഗ്യമാണ് കൊലപാതകത്തിലേക്ക് നയിച്ചതെന്ന് ഇയാൾ പൊലീസിനോട് സമ്മതിച്ചു. കൊലപാതകത്തിന് ശേഷം പ്രതി പൊലീസിൽ കീഴടങ്ങുകയായിരുന്നു. വീടിനടുത്തുള്ള കവുങ്ങിൻതോട്ടത്തിൽ വച്ചാണ് പെൺകുട്ടിയുടേ അമ്മാവൻ സൈതലവിയെ കത്തികൊണ്ട് പലതവണ കുത്തി കൊല ചെയ്തത്. സൈതലവിയുടെ മൃതദേഹം പരിശോധനയ്ക്ക്ശേഷം പോസ്റ്റ്മോർട്ടത്തിനായി മഞ്ചേരി മെഡിക്കൽ കോളജിലേക്ക് മാറ്റിയിട്ടുണ്ട്.

Eng­lish sum­ma­ry: Man kills per­son who abused his niece in Malappuram

YOU MAY ALSO LIKE THIS VIDEO