Web Desk

കൊച്ചി

August 10, 2021, 7:54 pm

മരട് ഫ്‌ളാറ്റ് കേസ്: അഴിമതിക്കും വഞ്ചനക്കും പ്രത്യേകം കുറ്റപത്രം ഉടൻ, കൂട്ടുനിന്ന എല്ലാവരെയും പ്രതിചേര്‍ക്കും

Janayugom Online

മരട് ഫ്‌ളാറ്റ് നിര്‍മ്മാണക്കേസില്‍ അഴിമതിക്കും വഞ്ചനക്കും പ്രത്യേകം കുറ്റപത്രം നല്‍കാനൊരുങ്ങി ക്രൈംബ്രാഞ്ച്. അതേസമയം, ചട്ടം ലംഘിച്ച് ഫ്‌ളാറ്റുകളുടെ നിര്‍മാണത്തിന് ഗൂഢാലോചന നടത്തിയ മരട് പഞ്ചായത്ത് മുന്‍ പ്രസിഡന്റ് കെ എ ദേവസ്സിക്കെതിരെ അന്വേഷണത്തിന് അനുമതി തേടിയുള്ള അപേക്ഷയില്‍  സര്‍ക്കാര്‍ തീരുമാനം വരുന്ന മുറയ്ക്ക് തുടർനടപടികൾ കൈകൊള്ളുമെന്നാണ് സൂചന .

തീരപരിപാലന നിയമങ്ങള്‍ ലംഘിച്ചാണ് ഫ്‌ളാറ്റുകള്‍ നിര്‍മ്മിച്ചതെന്ന് കണ്ടെത്തിയിരുന്നു. ജയിന്‍ കോറല്‍ കോവ്, ആല്ഫാ സറീന്‍, എച്ച്ടു ഓ ഹോളിഫെയ്ത്ത് എന്നിവ സംബന്ധിച്ച കേസുകളാണ് ക്രൈംബ്രാഞ്ചിന്റെ കൈവശമുള്ളത്. വിജിലന്‍സ് അന്വേഷിക്കുന്നത് ഗോള്‍ഡന്‍ കായലോരം സംബന്ധിച്ച കേസുകളാണ്. നാല് സമുച്ചയങ്ങളിലുമായുള്ളത് 328 ഫ്‌ളാറ്റുകളാണ്. അന്വേഷണം ഇപ്പോള്‍ അന്തിമ ഘട്ടത്തിലാണ്. കേസില്‍ സ്‌പെഷ്യല്‍ പ്രോസിക്യൂട്ടറെയും നിയമിച്ചു. ഓരോ വ്യക്തിഗത പരാതിയിലും പ്രത്യേകം കുറ്റപത്രങ്ങള്‍ ഫയല്‍ ചെയ്യണം എന്നാണ് സ്‌പെഷ്യല്‍ പ്രോസിക്യൂട്ടറുടെ നിയമോപദേശം. അഴിമിതനിരോധന നിയമപ്രകാരം നാല് ഫ്‌ളാറ്റ് നിര്‍മ്മാണ കമ്പനികള്‍ക്കും അഴിമതിക്ക് കൂട്ട് നിന്ന ഉദ്യോഗസ്ഥര്‍ക്കും രാഷ്ട്രീയനേതാക്കള്‍ക്കുമെതിരെ കുറ്റപത്രം നല്‍കും.

Eng­lish Sum­ma­ry: maradu flat case: Spe­cial chargesheet for cor­rup­tion and fraud to be filed soon

You may like this video also