August 11, 2022 Thursday

Related news

July 19, 2022
April 11, 2022
March 30, 2022
January 25, 2022
January 21, 2022
January 19, 2022
January 19, 2022
January 19, 2022
January 18, 2022
January 17, 2022

കൊറോണ: മരുന്നുകളുടെ വില ഉയരുന്നു

Janayugom Webdesk
ന്യൂഡൽഹി
February 14, 2020 6:59 pm

ചൈനയിൽ കൊറോണാ വൈറസ് വ്യാപിക്കുന്ന സാഹചര്യത്തിൽ ഇന്ത്യയിൽ പാരസെറ്റമോൾ ഉൾപ്പെടെയുള്ള മരുന്നുകളുടെ വില വർധിക്കുന്നു.
ചൈനയിൽ നിന്നുള്ള രാസവസ്തുക്കളുടെ ഇറക്കുമതി ഇല്ലാതായതാണ് മരുന്നുകളുടെ വില വർധിക്കാനുള്ള കാരണമെന്ന് മരുന്ന് കമ്പനികൾ പറയുന്നു. ഇന്ത്യന്‍ കമ്പനികള്‍ 70 ശതമാനം ഫാര്‍മസ്യൂട്ടിക്കല്‍ ചേരുവകളും ചൈനയില്‍ നിന്നാണ് വാങ്ങുന്നത്. എന്നാൽ പാരസെറ്റമോൾ ഉൾപ്പടെയുള്ള മരുന്നുകളുടെ വില വർധിച്ചിട്ടും ഇത് നിയന്ത്രിക്കുന്നതിനുള്ള ഒരു നടപടിയും കേന്ദ്ര സർക്കാരിന്റെ ഭാഗത്തുനിന്നും ഉണ്ടായിട്ടില്ല.

പെൻസിലിൻ നിർമ്മിക്കുന്നതിന് ആവശ്യമായ രാസവസ്തു (ആക്ടിവ് ഫാർമസ്യൂട്ടിക്കൽ ഇൻഗ്രീഡിയന്റ്- എപിഐ) വിന്റെ വില ഗണ്യമായി വർധിച്ചു. ജനുവരി മാസത്തിൽ ഒരു യൂണിറ്റ് എപിഐ വില 454 രൂപ ആയിരുന്നത് ഇപ്പോൾ 639 രൂപയായി കൂടിയിട്ടുണ്ട്.
അസിത്രോമൈസിൻ, ഡെക്സിസൈക്ലിൻ, അമികാസിൻ, അമോക്സിസിലിൻ, ഓർണിഡസോൾ, ഡെക്സാ മെത്താസോൺ സോഡിയം ഉൾപ്പെടെയുള്ള ആന്റി ബയോട്ടിക്കുകളുടെ വില 13 മുതൽ 18 ശതമാനം വരെ വർധിച്ചു. പാരസെറ്റമോൾ നിർമ്മിക്കുന്നതിന് ആവശ്യമായ എപിഐയുടെ വില 26 ശതമാനം വർധിച്ച് 330 രൂപയായി. നിലവിലെ സ്ഥിതി തുടർന്നാൽ മരുന്നുകളുടെ വില 30 മുതൽ 40 ശതമാനം വരെ വർധിക്കുമെന്നാണ് ഈ മേഖലയിലെ വിദഗ്ധർ പറയുന്നത്.

ENGLISH SUMMARY: Med­i­cines rate increase

YOU MAY ALSO LIKE THIS VIDEO

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.