Web Desk

December 29, 2019, 1:31 pm

പ്ലാസ്റ്റിക് നിരോധനം; കടകൾ അടച്ചിട്ട് പ്രതിഷേധവുമായി വ്യാപാരി വ്യവസായി

Janayugom Online

കോഴിക്കോട്: ബദൽ സംവിധാനം കണ്ടെത്താതെ പ്ലാസ്റ്റിക് നിരോധനം ഏർപ്പെടുത്തി സർക്കാർ തീരുമാനത്തിനെതിരെ പ്രതിഷേധവുമായി കേരള വ്യാപാരി വ്യവസായി ഏകോപന സമിതി. നിരോധനം പ്രാബല്യത്തിൽ വരുന്ന ജനുവരി ഒന്നു മുതൽ സമരം തുടരുമെന്നും വ്യാഴാഴ്ച മുതൽ കടകൾ തുറക്കില്ലെന്നും വ്യാപാരി വ്യവസായി ഏകോപന സമിതി നേതാക്കൾ പറഞ്ഞു.

ബദൽ സംവിധാനം നടപ്പാക്കുന്നത് വരെ നിലവിലെ രീതി തുടരണമെന്നും പ്ലാസ്റ്റിക് നിരോധനം ചെറുകിട കച്ചവടക്കാരെ ബാധിക്കുമെന്നും സമിതി പറഞ്ഞു. ഇന്ന് കോഴിക്കോട് ചേര്‍ന്ന കേരള വ്യാപാരി വ്യവസായി ഏകോപന സമിതി സംസ്ഥാന എക്‌സിക്യൂട്ടീവ് യോഗത്തിന്റെതാണ് തീരുമാനം. രാവിലെ ചേര്‍ന്ന യോഗത്തില്‍ നേതാക്കള്‍ തമ്മില്‍ ഉന്തും തല്ലുമുണ്ടായിരുന്നു. സംഘടനാവിരുദ്ധ പ്രവര്‍ത്തനത്തിന്റെ പേരില്‍ പുറത്താക്കിയ പ്രവര്‍ത്തകരെ യോഗത്തില്‍ പങ്കെടുപ്പിക്കില്ലെന്നാരോപിച്ചായിരുന്നു സംഘര്‍ഷം.

‘you may also like this video’