മിനി ബസും കാറും കൂട്ടിയിടിച്ചുണ്ടായ അപകടത്തില്‍ ഇരുപതോളം പേർക്ക് പരിക്കേറ്റു. എം.സി റോഡിൽ നിലമേൽ ജങ്ഷനിൽ ശനിയാഴ്ച പുലർച്ചയോടെയായിരുന്നു അപകടം. തിരുവനന്തപുരത്തുനിന്ന് ഉത്സവഘോഷയാത്ര കഴിഞ്ഞ് തൃശൂരിലേക്ക് മടങ്ങുകയായിരുന്ന തെയ്യം ട്രൂപ് അംഗങ്ങൾ സഞ്ചരിച്ച മിനി ബസാണ് അപത്തില്‍പ്പെട്ടത്. കടയ്ക്കലിൽ നിന്ന് എം.സി റോഡിലേക്ക് അമിത വേഗത്തിലെത്തിയ കാറുമായി കൂട്ടിയിടിക്കുകയായിരുന്നു.
നിയന്ത്രണം വിട്ട മിനി ബസ് തലകീഴായി മറിഞ്ഞു. ഇടിയുടെ ആഘാതത്തിൽ കാർ റോഡിന്‍റെ കൈവരി തകർത്ത് തൊട്ടടുത്ത കടയിലേക്ക് ഇടിച്ചുകയറി. കാറിന്‍റെ മുൻവശം പൂർണമായും തകർന്ന നിലയിലാണ്. പരിക്കേറ്റവരെ കടയ്ക്കൽ താലൂക്കാശുപത്രിയിൽ പ്രവേശിപ്പിച്ചു. ഗുരുതരമായി പരിക്കേറ്റവരെ തിരുവനന്തപുരം മെഡിക്കൽ കോളജ് ആശുപത്രിയിലേക്ക് മാറ്റി.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.