ഡൽഹിയിൽ നാലു ദിവസം മുമ്പ് കാണാതായ നാലര വയസുകാരന്റെ മൃതദേഹം അഴുക്കുചാലിൽ നിന്ന് കണ്ടെത്തി. വടക്കുകിഴക്കൻ ദില്ലിയിലെ ഖജുരി ഖാസിലെ അഴുക്കുചാലിൽ നിന്നാണ് കുട്ടിയുടെ മൃതദേഹം കണ്ടെടുത്തത്. ശരീരത്തിൽ പരിക്കുകളൊന്നും കണ്ടെത്തിയിട്ടില്ലെന്നും കുട്ടി മുങ്ങിമരിച്ചതാണെന്നുമാണ് പോസ്റ്റ്മോർട്ടം റിപ്പോർട്ടിൽ പറയുന്നത്.

അതേസമയം അന്വേഷണത്തിൽ പൊലീസ് കാലതാമസം വരുത്തിയെന്നാരോപിച്ച് കുട്ടിയുടെ കുടുംബവും ബന്ധുക്കളും മൃതദേഹം റോഡിൽ വച്ച് പ്രകടനം നടത്തി. പ്രകടനം പ്രദേശത്തെ ഗതാഗതക്കുരുക്കിന് കാരണമായെങ്കിലും പൊലീസിന്റെ അപ്പീലിനെത്തുടർന്ന് ജനക്കൂട്ടം പിരിഞ്ഞു. പോസ്റ്റ്മോർട്ടത്തിന് ശേഷം മൃതദേഹം കുടുംബത്തിന് കൈമാറിയതായും പൊലീസ് പറഞ്ഞു.

Eng­lish Sum­ma­ry: Miss­ing boy’s dead body found in drain

YOU MAY ALSO LIKE THIS VIDEO