മ്ലാവിന്റെ ആക്രമണത്തില്‍ തോട്ടം തൊഴിലാളിയായ സ്ത്രീക്ക് ഗുരുതര പരിക്ക്

മ്ലാവിന്റെ ആക്രമണത്തില്‍ തോട്ടം തൊഴിലാളിയായ സ്ത്രീക്ക് ഗുരുതര പരിക്ക്. ആനയിറങ്കല്‍ സ്വദേശിനി മുരുകമ്മാളിനാ(48)ണ് പരിക്കേറ്റത്. നടുവിന് പരിക്ക് ഇവരെ അടിമാലി താലൂക്കാശുപത്രിയില്‍ പ്രവേശിപ്പിച്ചു. രാവിലെ ഒമ്പത് മണിയോടെയായിരുന്നു സംഭവം.

തേയില തോട്ടത്തില്‍ പണിയെടുക്കുകയായിരുന്ന മുരുകമ്മാളിനെ മ്ലാവ് ഇടിച്ച് വീഴ്ത്തുകയായിരുന്നു. തേയില തോട്ടത്തിനിടയിലൂടെ നായ ഓടിച്ചു കൊണ്ടുവന്ന മ്ലാവാണ് ആക്രമണം  നടത്തിയത്. ഇടിച്ചിട്ട ശേഷം മ്ലാവ് ദൂരേക്കോടി മറഞ്ഞു. സംഭവ സമയത്ത് തോട്ടത്തില്‍ മറ്റ് തൊഴിലാളികളും ജോലി ചെയ്തിരുന്നു. മ്ലാവിന്‍റെ ഇടിയില്‍ ബോധരഹിതയായ മുരുകമ്മാളിനെ മറ്റു തൊഴിലാളികള്‍ ചേര്‍ന്നാണ് ആശുപത്രിയില്‍ എത്തിച്ചത്.