December 3, 2022 Saturday

Related news

December 2, 2022
November 18, 2022
November 16, 2022
November 15, 2022
November 15, 2022
November 15, 2022
November 15, 2022
November 10, 2022
November 10, 2022
November 10, 2022

വോട്ടുതേടി മുഹമ്മദു റിയാസ് വീണ്ടും കലാലയമുറ്റത്തെത്തി

Janayugom Webdesk
ബേപ്പൂര്‍
March 25, 2021 8:07 pm

പഠനകാലത്തെ ആവേശകരമായ ഓർമ്മകളയവിറക്കി ബേപ്പൂർ മണ്ഡലം എൽഡിഎഫ് സ്ഥാനാർത്ഥി മുഹമ്മദു റിയാസ് ഒരു വട്ടംകൂടി തൻ്റെ കലാലയത്തിൻ്റെ തിരുമുറ്റത്തെത്തി. ഫാറൂക്ക് കോളേജിലെ പൂർവ്വ വിദ്യാർത്ഥിയായ റിയാസ് ഇത്തവണ കലാലയത്തിലെത്തിയത് തനിക്ക് വോട്ടഭ്യർത്ഥിക്കാനാണ്. വ്യാഴാഴ്ച്ച ഉച്ചയോടെ കോളജിലെത്തിയ സ്ഥാനാര്‍ത്ഥിക്ക് ഊഷ്മളമായ സ്വീകരണമാണ് കോളേജിൽ ലഭിച്ചത്. പഴയ സഹപാഠികളും വിദ്യാര്‍ത്ഥികളും ഹാരാര്‍പ്പണം ചെയ്താണ് മുഹമ്മദ് റിയാസിനെ സ്വീകരിച്ചത്. 

കോളജിലെ വിദ്യാര്‍ത്ഥികളെയും അധ്യാപകരെയും നേരില്‍കണ്ട് സ്ഥാനാർത്ഥി വോട്ടഭ്യര്‍ത്ഥിച്ചു. വേനൽച്ചൂടിലും വകവയ്ക്കാതെയാണ് വിദ്യാര്‍ത്ഥികള്‍ മുഹമ്മദ് റിയാസിന് സ്വീകരണമൊരുക്കിയത്. വിദ്യാര്‍ത്ഥികളോടൊത്ത് സെല്‍ഫിയെടുത്തും സൗഹൃദം പുതുക്കിയുമാണ് സ്ഥാനാര്‍ത്ഥി മടങ്ങിയത്. സഹപാഠികൾ മണ്ഡലങ്ങളിലെ വിവിധ പ്രദേശങ്ങളിൽ മുഹമ്മദ് റിയാസിന് വോട്ടഭ്യര്‍ത്ഥിച്ച് വീടുകള്‍ കയറി. ബാലസംഘത്തിന്റെ നേതൃത്വത്തില്‍ മണ്ഡലത്തിലെ വിവിധ പ്രദേശങ്ങളില്‍ ഫ്‌ളാഷ് മോബും അവതരിപ്പിച്ചു. ഇന്ന് രാവിലെ ബേപ്പൂര്‍ മേഖലയിലെ സ്‌നേഹക്കൂട്ടം പരിസരത്ത് നിന്ന് ആരംഭിച്ച പര്യടനം നടുവട്ടം, നടുവട്ടം ഈസ്റ്റ്, അരക്കിണര്‍, മാത്തോട്ടം എന്നീ മേഖലകളിലെ വിവിധ കേന്ദ്രങ്ങളില്‍ പര്യടനം നടത്തി. മണ്ഡലത്തില്‍ മുഹമ്മദ് റിയാസിന്റെ മൂന്നാംഘട്ട പര്യടനം വെള്ളിയാഴ്ച്ച അവസനിക്കും.

ENGLISH SUMMARY:Mohammad Riyaz returned to the col­lege grounds to seek votes
You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.