Web Desk

December 30, 2019, 4:18 pm

അമ്മയ്ക്ക് വിട്ടുമാറാത്ത രോ​ഗം: മോക്ഷം ലഭിക്കാനായി മകന്‍ ഇരുമ്പുവടികൊണ്ട് തലയ്ക്കടിച്ചു കൊന്നു

Janayugom Online

പല്‍ഖര്‍: നിരന്തരമായി രോഗങ്ങള്‍ മോക്ഷത്തിനായി മകന്‍ അമ്മയെ തലക്കടിച്ചു കൊന്നു. മഹാരാഷ്ട്രയിലെ പല്‍ഖറിലാണ് സംഭവം നടന്നത്. വിട്ടുമാറാതെ നില്‍ക്കുന്ന അമ്മയുടെ രോഗത്തില്‍ മനംമടുത്താണ് ഇയാള്‍ ക്രൂരകൊലപാതകം നടത്തിയത്. കൊലപാതകത്തില്‍ മുപ്പതുകാരനായ ജയ്പ്രകാശ് ദിബിയെ പൊലീസ് അറസ്റ്റു ചെയ്തു.

താരാപൂരില്‍ ഞായറാഴ്ചയാണ് വീട്ടിലെ അടുക്കളയില്‍ നില്‍ക്കുകയായിരുന്ന അമ്മ ചന്ദ്രവതിയെ ജയ്പ്രകാശ് ഇരുമ്പുവടി കൊണ്ട് അടിച്ചു കൊലപ്പെടുത്തുകയായിരുന്നു. ഇവര്‍ സംഭവ സ്ഥലത്തുവെച്ചുതന്നെ മരിച്ചു. ഇളയമകന്റെ പരാതിയിലാണ് പൊലീസ് ജയ്പ്രകാശിനെ അറസ്റ്റു ചെയ്തത്.

കൊലചെയ്തതായി ഇയാള്‍ സമ്മതിച്ചു. അമ്മയ്ക്ക് എപ്പോഴും രോഗമാണെന്നും അതില്‍ മനംമടുത്താണ് അമ്മയ്ക്ക് മോക്ഷം ലഭിക്കാനായി കൊലപ്പെടുത്തുകയായിരുന്നെന്നും ഇയാള്‍ പോലീസിന് മൊഴി നല്‍കി.

you may also like this video