വാനര വസൂരി ബാധിതരില്‍ ആന്റിവെെറല്‍ മരുന്നിന്റെ ആദ്യ ക്ലിനിക്കല്‍ പരീക്ഷണം യുകെയില്‍ ആരംഭിച്ചു. ആന്റി വെെറല്‍ മരുന്നായ ടെക്കോവിരിമാറ്റിന്റെ ഫലപ്രാപ്തി നിര്‍ണയത്തിനാണ് പരീക്ഷണം നടത്തുന്നത്.
ചർമ്മത്തിലെ മുറിവുകളും പാടുകളും ഭേദമാകാൻ എടുക്കുന്ന സമയം കുറയ്ക്കാൻ ടെക്കോവിരിമാറ്റിന് കഴിയുമോ എന്നും പരിശോധിക്കും. പരീക്ഷണ ഫലം ഡിസംബറോടെ ലഭ്യമാകുമെന്നാണ് വിവരം. വാനര വസൂരി ബാധിച്ച 500 രോഗികളെയാണ് പരീക്ഷണത്തിനായി തിരഞ്ഞെടുക്കുക. പ്ലെസിബോ, ടെക്കോവിരിമാറ്റ് എന്നീ മരുന്നുകള്‍ രോഗികള്‍ക്ക് 14 ദിവസം രണ്ട് നേരമായി നല്‍കും. മരുന്നിന്റെ ആഘാത പഠനങ്ങള്‍ക്കായി സ്രവ പരിശോധന നടത്തുകയും 28 ദിവസത്തേക്ക് ഓൺലൈൻ ചോദ്യാവലി പൂർത്തിയാക്കാൻ ആവശ്യപ്പെടുകയും ചെയ്യും.
വാനര വസൂരി ബാധിച്ച് ഗുരുതരാവസ്ഥയില്‍ ആശുപത്രിയില്‍ പ്രവേശിപ്പിക്കപ്പെടുന്നവര്‍ക്ക് നല്‍കുന്ന ആന്റിവെെറല്‍ മരുന്നാണ് ടെക്കോവിരിമാറ്റ്. എന്നാല്‍ മരുന്നിന്റെ ഫലപ്രാപ്തിയെ സംബന്ധിച്ച് ഗവേഷണ വിവരങ്ങള്‍ കുറവാണെന്ന് വിദ‍ഗ്ധര്‍ പറയുന്നു.
English Summary: Monkeypox: UK begins trial of antiviral drug
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.