Web Desk

കൊച്ചി

September 30, 2021, 4:43 pm

മോന്‍സന്‍ മാവുങ്കലിനെ വീണ്ടും കസ്റ്റഡിയില്‍ വിട്ടു

Janayugom Online

പുരാവസ്തുക്കളുടെ പേരില്‍ സാമ്പത്തിക തട്ടിപ്പു നടത്തിയ കേസില്‍ മോന്‍സന്‍ മാവുങ്കലിനെ വീണ്ടും കസ്റ്റഡിയില്‍ വിട്ടു. മൂന്നു ദിവസത്തേക്കാണ് കസ്റ്റഡി. എറണാകുളം എസിജെഎം കോടതിയുടേതാണ് ഉത്തരവ്. കേസില്‍ കൂടുതല്‍ അന്വേഷണം ഇനിയും നടത്താനുണ്ടെന്ന് ക്രൈംബ്രാഞ്ച് സംഘം കോടതിയെ അറിയിച്ചു. മോന്‍സന്‍ തട്ടിപ്പിലൂടെ സമ്പാദിച്ച പണം കണ്ടെത്തണമെന്നാണ് ക്രൈം ബ്രാഞ്ചിന്റെ ആവശ്യം. അതേസമയം, മോന്‍സന്റെ അക്കൗണ്ടില്‍ ഒറ്റ പൈസയില്ലെന്നാണ് പ്രതിഭാഗം കോടതിയില്‍ വാദിച്ചത്. ഭാവിയില്‍ വരാന്‍ പോകുന്ന കുറ്റകൃത്യങ്ങള്‍ക്ക് വേണ്ടി ഇപ്പോള്‍ ചോദ്യം ചെയ്യണമെന്ന് പറയുന്നത് ശരിയല്ല. പുരാവസ്തു ഉണ്ടെങ്കിലും ആരോടും വാങ്ങാന്‍ പറഞ്ഞിട്ടില്ലെന്ന് പ്രതിഭാഗം വാദിച്ചു.

 

Eng­lish Sum­ma­ry: Mon­son Maun­gal was remand­ed in custody

 

You may like this video also