കാലമെന്തെന്തു സാക്ഷ്യമായീടിലും
തീരില്ല മർത്യന്റെയവിവേകവൃത്തികൾ
നീയീധരിത്രിതൻ മൃദുലമാം മേനിയിൽ
ദംഷട്രകളാഴ്ത്തി തിമിർക്കുന്നുസർവദാ
നാടിനുനാളെയുടെ കാവലാളാകേണ്ട
ബാല്യസൂനങ്ങളെ തല്ലിക്കൊഴിക്കുന്നു
‘അമ്മ മനസ്സുകൾവിഭ്രാന്തമാകുന്നു
തഴുകേണ്ടകരമങ്ങു കണ്ഠം ഞെരിക്കുന്നു
പ്രാണബന്ധങ്ങളിൽപുകയുന്നു പകയും
പ്രണയഭംഗങ്ങളിൽ രുധിരം നുരയ്ക്കുന്നു
മൂടുപടത്തിൽ പതുങ്ങുന്നൊരതിമോഹി
മർത്യന്റെ ചിത്തവും കല്ലായിരിക്കുന്നു
ഒമ്മതന്നമൃതം രുചിച്ചു വളർന്നവർ
വഴിയമ്പലംപെട്ടൊരന്യരായ് മാറുന്നു
എങ്ങനെയീവിധം ബന്ധങ്ങളിഴപൊട്ടി
വഴിതെറ്റി ജീവിതം പാഴായൊടുങ്ങിടാ
ജീവിതസന്ധ്യയിൽ തളരുന്നസഹജരിൽ
സാന്ത്വനക്കിരണമായാരും തിളങ്ങണം
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.