August 14, 2022 Sunday

Related news

August 12, 2022
August 11, 2022
August 11, 2022
August 11, 2022
August 9, 2022
August 7, 2022
August 7, 2022
August 3, 2022
July 31, 2022
July 29, 2022

മൂസെവാല കൊലപാതകം; വെടിയുതിർത്ത പതിനെട്ടുകാരൻ ഉൾപ്പെടെ രണ്ടുപേർ പിടിയിൽ

Janayugom Webdesk
July 4, 2022 4:46 pm

പഞ്ചാബ് കോൺഗ്രസ് നേതാവും ഗായകനുമായ സിദ്ദു മൂസെവാലയുടെ കൊലപാതകത്തിൽ രണ്ട് പേർ കൂടി പിടിയിൽ. മൂസെവാലയ്ക്കെതിരെ വെടിയുതിർത്ത പത്തിനെട്ട് വയസുകാരൻ അടക്കം രണ്ട് പേരാണ് പിടിയിലായത്.

ഹരിയാന സ്വദേശിയായ അങ്കിത് (18), ഇയാളെ ഒളിവിൽ പോകാൻ സഹായിച്ച സച്ചിൻ ഭിവാനി എന്നിവരാണ് പിടിയിലായത്. സച്ചിൻ ഭിവാനിയും ഹരിയാന സ്വദേശിയാണ്.

കേസിലെ പ്രധാന പ്രതിയാണ് അങ്കിത് എന്ന് ഡല്‍ഹി പൊലീസ് വ്യക്തമാക്കി. ഇതോടെ കേസിൽ ഡല്‍ഹി പൊലീസ് അറസ്റ്റ് ചെയ്തവരുടെ എണ്ണം അഞ്ചായി.

പിടിയിലായ രണ്ടുപേരും പിടികിട്ടാപ്പുള്ളികളാണെന്നും ലോറൻസ് ബിഷ്ണോയി, ഗോൾബി ബ്രാർ ഗ്യാങ്ങുമായി ബന്ധമുള്ളവരാണെന്നും പൊലീസ് പറഞ്ഞു.

ഹരിയാനയിലെ സേർസ ഗ്രാമത്തിൽ നിന്നുള്ള അങ്കിത്, ലോറൻസ് ബിഷ്ണോയി ഗ്യാങ്ങിന്റെ രാജസ്ഥാനിലെ പ്രവർത്തനങ്ങൾക്ക് ചുക്കാൻ പിടിക്കുന്നയാളാണ്. രാജസ്ഥാനിൽ രണ്ട് കൊലപാതക കേസുകളിൽ ഇയാൾ പ്രതിയാണ്.

പിടിയിലായവരിൽ നിന്ന് രണ്ട് തോക്കുകളും വെടിയുണ്ടകളും പഞ്ചാബ് പൊലീസിന്റെ മൂന്ന് യൂണിഫോമും രണ്ട് മൊബൈൽ ഫോണുകളും പിടിച്ചെടുത്തതായി പൊലീസ് അറിയിച്ചു. മൂസൈവാലയുടെ കൊലപാതകത്തിൽ രണ്ടു പേരെ നേരത്തെ പ്രത്യേക അന്വേഷണ സംഘം കസ്റ്റഡിയിൽ എടുത്തിരുന്നു.

Eng­lish summary;Moosewala mur­der; Two peo­ple, includ­ing the 18-year-old who fired, have been arrested

You may also like this video;

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.