Web Desk

തിരുവനന്തപുരം

January 18, 2021, 9:13 am

വാഗമണ്‍ നിശാപാര്‍ട്ടി; കൂടുതല്‍ അറസ്റ്റുകള്‍ ഉണ്ടാകുമെന്ന് എക്‌സൈസ്

Janayugom Online

വാഗമണ്‍ നിശാപാര്‍ട്ടി കേസില്‍ കൂടുതല്‍ അറസ്റ്റുകള്‍ ഉണ്ടാകുമെന്ന് എക്‌സൈസ്. ലഹരിമരുന്നു എത്തിച്ച അജ്മല്‍ സക്കീറിന്റെ കൂട്ടാളികളെ കേന്ദ്രികരിച്ചാണ് എക്‌സൈസ് അന്വേഷണം നടക്കുന്നത്. കഴിഞ്ഞ ദിവസം കേസില്‍ രണ്ടു നൈജീരിയന്‍ സ്വദേശികളെ കൂടി പ്രതിച്ചേര്‍ത്തിരുന്നു.

തൊടുപുഴ സ്വദേശി അജ്മല്‍ സക്കീറാണ് നിശാപാര്‍ട്ടിയിലേക്ക് ലഹരിമരുന്നുകള്‍ എത്തിച്ചു നല്‍കിയത്. ഇയാളുടെ സുഹൃത്ത് വലയങ്ങള്‍ കേന്ദ്രികരിച്ചാണ് എക്‌സൈസ് അന്വേഷണം പുരോഗമിക്കുന്നത്. പലരും ഒളിവിലാണ്. ഇവരെ കണ്ടെത്താനുള്ള ശ്രമത്തിലാണ് എക്‌സൈസ് വിഭാഗം. അജ്മല്‍ സക്കീറിനു മയക്കുമരുന്നുകള്‍ ലഭിച്ചത് ബാംഗ്ലൂരിലുള്ള നൈജീരിയന്‍ സ്വദേശികളില്‍ നിന്നാണെന്ന് ക്രെെംബ്രാഞ്ച് സംഘം വ്യക്തമാക്കിയിരുന്നു.

Eng­lish sum­ma­ry: More arrest in Wag­a­mon night par­ty case

You may also like  this video: