28 March 2024, Thursday

Related news

March 26, 2024
March 4, 2024
February 25, 2024
February 23, 2024
February 5, 2024
February 4, 2024
February 3, 2024
February 2, 2024
January 24, 2024
January 23, 2024

ഫയർ ഫോഴ്സിലേക്ക് കൂടുതൽ വനിതാ ഹോം ഗാർഡുകൾ

Janayugom Webdesk
കോഴിക്കോട്
May 27, 2022 9:00 pm

പുതുതായി നാല് വനിതകൾ കൂടി ഹോം ഗാർഡിന്റെ ഭാഗമായി. വനിതാ ഹോം ഗാർഡുമാർക്കുള്ള രണ്ടാം ഘട്ട സെലക്ഷനിലാണു സി ആർ പി എഫിൽ നിന്ന് വിരമിച്ച ടി എം നിഷ, പി പി അജിത, കെ പി റീജ, എസ് എസ് സ്വാതി എന്നിവർ യോഗ്യത നേടിയത്. തളി സാമൂതിരി ഹയർ സെക്കണ്ടറി സ്കൂളിലാണ് സെലക്ഷൻ നടന്നത്. തെരഞ്ഞെടുത്തവർക്ക് 780 രൂപ പ്രതിദിന വേതനം നൽകും. ജില്ലയിൽ 400 ഹോം ഗാർഡുമാരുടെ തസ്തികയാണ് നിലവിലുള്ളത്. ഇതിൽ 30 ശതമാനം സ്ത്രീകൾക്കായി സംവരണം ചെയ്തെങ്കിലും ഇത് വരെ അഞ്ച് പേർ മാത്രമാണ് അപേക്ഷിച്ചത്. 

ഇതിൽ ആദ്യത്തെ ആൾ കഴിഞ്ഞ വർഷം മുക്കം സ്റ്റേഷനിൽ നിയമിതയായി. ഡെപ്യൂട്ടി പൊലീസ് കമ്മീഷണർ ആമോസ് മാമ്മൻ ചെയർമാനും ജില്ലാ ഫയർ ഓഫീസർ മൂസ വടക്കേതിൽ കൺവീനറും ജില്ലാ സൈനിക ക്ഷേമ ഓഫീസർ ജോഷി ജോസഫ് അംഗവുമായ സെലക്ഷൻ ബോർഡാണ് കായിക ക്ഷമതാ പരിശോധന പൂർത്തിയാക്കിയത്. തെരഞ്ഞെടുക്കപ്പെട്ടവർക്ക് അടുത്ത മാസം വിയ്യൂർ ഫയർഫോഴ്സ് അക്കാദമിയിൽ പരിശീലനം നൽകിയ ശേഷം വിവിധ ഫയർസ്റ്റേഷനുകളിൽ സേവനത്തിനായ് അയക്കും. ഫയർഫോഴ്സ് ഉദ്യോഗസ്ഥരായ റോബി വർഗ്ഗീസ്, പി സതീഷ്, പി കെ ബഷീർ, പ്രേംനാഥ് മംഗലശ്ശേരി എന്നിവർ നേതൃത്വം കൊടുത്തു. 

Eng­lish Summary:More women home guards to the fire force
You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.