മൂടാടി ഗ്രാമപഞ്ചായത്തിൽ കേൾവി കുറവുള്ളവരെ സഹായിക്കാനുള്ള പദ്ധതിയാണ് താളം എന്ന പേരിൽ നടപ്പാക്കുന്നത്. കഴിഞ്ഞവർഷം അരംഭിച്ച ഈ പദ്ധതി ഈ പ്രാവശ്യം വിപുലീകരിച്ച് കൂടുതൽ പേർക്ക് ലഭ്യമാകുന്ന തരത്തിലാണ് നടപ്പാക്കിയത്. കേൾവി കുറവുള്ള ഭിന്നശേഷി വിഭാഗത്തിലുള്ളവരും 60 വയസ് കഴിഞ്ഞവരുമാണ് പദ്ധതിയുടെ ഗുണഭോക്താക്കൾ, ഇൻഎൻടി ഡോക്ടർ, ഓഡിയോളജിസ്റ്റ് എന്നിവരുടെ പരിശോധനകൾക്ക് ശേഷമാണ് ശ്രവണ സഹായി നൽകുന്നത്. നന്തി കെൽട്രോണിനാണ് വിതരണചുമതല. 70 പേർക്കാണ് ഈ വർഷം ശ്രവണസഹായി നൽകിയത്. 8.4 ലക്ഷം രൂപയാണ് പദ്ധതി വിഹിതമായി ഗ്രാമപഞ്ചായത്ത് ഇതിനായി ഉപയോഗിച്ചത്. പ്രസിഡന്റ് സി കെ ശ്രീകുമാർ വിതരണോദ്ഘാടനം നടത്തി. ക്ഷേമകാര്യ സ്റ്റാന്റിങ് കമ്മിറ്റി ചെയർപേഴ്സൺ എം പി അഖില അധ്യക്ഷത വഹിച്ചു. വാർഡ് മെമ്പർ റഫീഖ് പുത്തലത്ത് വയോജനക്ഷേമ സമിതി പ്രസിഡന്റ് കെ കെ ശശി അസിസ്റ്റന്റ് സെക്രട്ടറി ടി ഗിരീഷ്കുമാർ എന്നിവർ സംസാരിച്ചു. ഐസിഡിഎസ് സൂപ്പർവൈസർ രാജലക്ഷ്മി നന്ദി പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.