February 8, 2023 Wednesday

Related news

February 8, 2023
February 7, 2023
February 6, 2023
February 4, 2023
February 2, 2023
January 31, 2023
January 29, 2023
January 27, 2023
January 27, 2023
January 25, 2023

എഫ്ഐആർ റദ്ദാക്കാണമെന്ന് ആവശ്യപ്പെട്ട് മുഹമ്മദ്​ സുബൈർ സുപ്രീം കോടതിയിൽ

Janayugom Webdesk
July 7, 2022 1:53 pm

യുപി പൊലീസ്​ രജിസ്റ്റർ ചെയ്ത എഫ്​ഐആർ റദ്ദാക്കണമെന്ന്​ ആവശ്യപ്പെട്ട്​ ആൾട്ട്​ ന്യുസ്​ സഹ സ്ഥാപകൻ മുഹമ്മദ്​ സുബൈർ സുപ്രീം കോടതിയിൽ. ഹര്‍ജി അടിയന്തരമായി പരിഗണിക്കണമെന്ന ആവശ്യം അംഗീകരിച്ച സുപ്രീം കോടതി നാളെ പരിഗണിക്കുമെന്ന് അറിയിച്ചു.

മുഹമ്മദ്​ സുബൈറിന് വധഭീഷണി ഉണ്ടെന്നും അതിൽ തനിക്ക്​ ആശങ്കയുണ്ടെന്നും അദ്ദേഹത്തിന്​ വേണ്ടി ഹാജരായ മുതിർന്ന അഭിഭാഷകൻ കോളിൻ ഗോൺസാൽവസ്​ ജസ്റ്റിസ്​ ഇന്ദിര ബാനർജി അധ്യക്ഷയായ ബെഞ്ച്​ മുമ്പാകെ ബോധിപ്പിച്ചു.

ഹിന്ദു സന്യാസിമാരെ വിദ്വേഷ പ്രചാരകരെന്ന്​ വിളിച്ചുവെന്ന്​ ആരോപിച്ച്​ തനിക്കെതിരെ രജിസ്റ്റർ ചെയ്ത എഫ്ഐആർ റദ്ദാക്കണമെന്നാണ്​ സുബൈറിന്റെ ഹര്‍ജിയിലെ ആവശ്യം. അലഹാബാദ്​ ഹൈകോടതിയെ ഈ ആവശ്യവുമായി സമീപിച്ചുവെങ്കിലും ഹര്‍ജി തള്ളുകയായിരുന്നു.

ഹിന്ദു ലയൺ ആർമി ജില്ലാ പ്രസിഡന്റ്​ ഭഗവാൻ ശരൺ നൽകിയ പരാതിയിലാണ്​ യുപി പൊലീസ്​ കേസ്​ ​ രജിസ്റ്റർ ചെയ്തത്​. വിദ്വേഷ പ്രചാരകനായ യതി നരസിംഗാനന്ദ സരസ്വതി, ബജ്​റംഗ്​ മുനി, ആനന്ദ്​ സ്വരൂപ്​ എന്നിവരെ വിദ്വേഷ പ്രചാരകരെന്ന് ട്വീറ്റ്​ ചെയ്തെന്നാണ്​ ആരോപിച്ച കുറ്റം. സുബൈറിനെ ഈ കേസിൽ യുപി സീതാപൂർ കോടതിയിൽ ഡൽഹി പൊലീസ്​ ഹാജരാക്കിയിരുന്നു.

Eng­lish summary;Muhammad Zubair in the Supreme Court demand­ing the can­cel­la­tion of the FIR

You may also like this video;

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.