Web Desk

ഇടുക്കി

November 24, 2021, 11:46 am

മുല്ലപ്പെരിയാർ ജലനിരപ്പ് കുറഞ്ഞു; അഞ്ച് സ്പില്‍വെ ഷട്ടറുകള്‍ അടച്ചു

Janayugom Online

മുല്ലപ്പെരിയാര്‍ അണക്കെട്ടിലെ ജലനിരപ്പില്‍ കുറവ് വന്നതോടെ തമിഴ്നാട് അഞ്ച് സ്പില്‍വെ ഷട്ടറുകള്‍ അടച്ചു. ജലനിരപ്പ് 141.6 ൽ നിന്ന് 141.4 അടിയായാണ് കുറഞ്ഞത്. നിലവിൽ 2 ഷട്ടറുകൾ 30 സെ.മീറ്റർ വീതം ഉയർത്തി 794 ഘനയടി വെള്ളം ഇടുക്കി ഡാമിലേക്ക് ഒഴുക്കിവിടുന്നത്. പെരിയാർ തീരദേശ വാസികൾ ജാഗ്രത പാലിക്കണമെന്ന് ജില്ലാ കളക്ടർ അറിയിച്ചു.

ഇടുക്കി ഡാമിൽ 2400.30 അടിയാണ് നിലവിലെ ജലനിരപ്പ്.അതേസമയം തമിഴ്നാട് വെള്ളം തുറന്ന് വിടുന്നതിന്റെ അളവ് കുറച്ചതിനാൽ ഇടുക്കി ഡാം നിലവിൽ തുറക്കേണ്ടിവരില്ലെന്ന് ജില്ലാ ഭരണകൂടം അറിയിച്ചു. ജലനിരപ്പ് ഉയർന്നതിനെ തുടർന്ന് കല്ലാർ, പൊൻമുടി അണക്കെട്ടുകൾ തുറന്നിട്ടുണ്ട്.

ENGLISH SUMMARY:Mullaperiyar water lev­el drops; Five spill­way shut­ters closed
You may also like this video