നഗര ശുചീകരണ തൊഴിലാളികളുടെ വേതന പരിഷ്കരണ ഉത്തരവിലെ അവ്യക്തത ദൂരീകരിക്കണം: എഐടിയുസി

നഗര ശുചീകരണ തൊഴിലാളികളുടെ വേതന പരിഷ്കരണ ഉത്തരവിലെ അവ്യക്തതകൾ ദൂരീകരിക്കണമെന്ന് കേരള സ്റ്റേറ്റ് മുൻസിപ്പൽ കോർപ്പറേഷൻ വർക്കേഴ്സ് ഫെഡറേഷൻ (എ ഐ ടി യു സി) സംസ്ഥാന തദ്ദേശസ്വയംഭരണ വകുപ്പ് മന്ത്രിക്ക് അയച്ച കത്തിൽ ആവശ്യപ്പെട്ടു.

2004‑ല ശമ്പളപരിഷ്കരണത്തെ തുടർന്ന് ഫെഡറേഷന്റെ ശക്തമായ ഇടപെടൽ ഉണ്ടായപ്പോഴാണ് നഗര ശുചീകരണ തൊഴിലാളികൾക്ക് വേതന കുടിശിക റൊക്കം പണമായി നൽകാൻ ഉത്തരവായത്. 2009ലും 2014ലും ഇത് ആവർത്തിക്കുകയും ചെയ്തു. എന്നാൽ 2019 ലെ വേതന പരിഷ്കരണ ഉത്തരവ് ഇറങ്ങിയതു തന്നെ 2021 ഓഗസ്റ്റിലാണ്. 2019 ജൂലൈ ഒന്നു മുതൽ മുൻകാല പ്രാബല്യം ഉണ്ടായിരിക്കും എന്നല്ലാതെ എപ്പോൾ നൽകണമെന്നോ എത്ര ഗഡുക്കളായി നൽകുമെന്നോ ഉത്തരവിൽ ഇല്ല. 

തങ്ങൾക്ക് ഇത് സംബന്ധമായി ഒരു അറിയിപ്പും ലഭിച്ചിട്ടില്ല എന്നാണ് വിവിധ നഗരസഭാ അധികൃതർ പറയുന്നത്. അടിയന്തിരമായും സർക്കാർ ഉത്തരവിൽ വ്യക്തത വരുത്തി നഗരസഭകൾ നിർദ്ദേശം നൽകണമെന്ന് ഫെഡറേഷൻ പ്രസിഡന്റ് കെ ജി പങ്കജാക്ഷനും ജനറൽ സെക്രട്ടറി ഡി രഞ്ജിത്ത് കുമാറും ആവശ്യപ്പെട്ടു.
eng­lish sum­ma­ry; AITUC says Elim­i­nate ambi­gu­i­ty in pay reform order for urban cleaners
you may also like this video;